Friday , March 29 2024
knife saksak

Nagkainitan sa perya… 3 mag-uutol at 2 pinsan, pinagsasaksak sa perya

KRITIKAL ang kalagayan ng tat­long mag-uutol habang sugatan din ang dalawa pa nilang pinsan makaraang pagsasaksakin ng tatlong helper ng isang mini-carnival o perya matapos ang kanilang mainitang kompron­tasyon sa Malabon City, kamakalawa ng gabi.

Pawang ginagamot sa Tondo Medical Center (TMC) sina  Rogelio Capoquian, 25 anyos, at mga kapatid na sina Jayson, 27 anyos, at Jermie Niño, 23 anyos sanhi ng mga tama ng saksak sa iba’t ibang bahagi ng katawan, habang nasa mabuting kalagayan sa nasabing pagamutan ang mga pinsan nitong sina Nilo de Andres at Jess Sevilla, kapwa 21-anyos, pawang mga residente sa #215 Sitio 6 Brgy. Catmon ng nasabing lungsod.

Sa  pinagsamang ulat nina P/SSgt. Ernie Baroy at P/SSgt. Richard Andrew Calaycay kay Malabon police chief P/Col. Jessie Tamayao, dakong 8:30 pm, nang maganap ang insiden­te sa  loob ng parking lot ng Robinson’s Mall, Brgy. Tinajeros.

Nabatid na naglalaro si Rogelio ng game of coins sa mini-carnival nang pagsabihan ni John Errol Abuyen, 19-anyos, helper ng perya, na huwag ilagay ang kanyang kamay sa board game.

Nauwi ang dala­­wa sa mai­nitang kompron­tasyon at nang mapansin ni Rogelio na tila pagtutulungan siya ni Abuyen at dalawang kasamang helper na si Renato Corpuz, 23, at Marlon Lucañas, 21, humingi ng tulong sa kanyang mga kapatid at dalawang pinsan na agad nagpunta sa naturang lugar at kinompronta ang mga suspek.

Sa kainitan ng kompron­tasyon, naglabas ng kanilang patalim ang mga suspek at inundayan ng mga saksak sa katawan ang mga biktima.

Ayon kay Col. Tamayao, naaresto ang mga suspek ng nagrespondeng mga tauhan ng Malabon Police Community Precinct (PCP) 4.

Napag-alaman na ang mini-carnaval ay naiulat na nakaaakit ng mga mag-aaral, out-of-school-youth at mga kabataan sa ilegal na larong barya at colors game at nagdudulot ng ingay sa magdamag.

Sinabi ng mga residente sa lugar, hihilingin nila sa hepe ng pulisya na irekomenda sa city government ang pagpapasara ng mini-carnival.

 (ROMMEL SALES)

About Rommel Sales

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *