Friday , November 22 2019
Breaking News
You are here: Home / Showbiz / Echiverri, ayaw makisawsaw sa away ng mga Barretto
Echiverri, ayaw makisawsaw sa away ng mga Barretto

Echiverri, ayaw makisawsaw sa away ng mga Barretto

MATAPOS basagin ni Marjorie Barretto ang kanyang pananahimik noong Martes ng gabi, sinubukan naming hingan ng reaksiyon si dating Caloocan mayor at dating congressman Enrico ‘Recom’ Echiverri. Si Echiverri ang tinukoy ni Gretchen Barretto na ama ng bunsong anak ni Marjorie.

Inamin naman ni Marjorie na si Echiverri nga ang ama ng kanyang bunsong anak.

Subalit nabigo kami at sinabing ayaw makisawsaw sa away ng magkakapatid. “Hayaan na lang daw na sila-sila (Gretchen, Marjorie, at Claudie) ang mag-away. Ayaw niyang (Echiverri) makisawsaw,” sambit sa amin ng dating malapit sa politiko.

Pero sa ayaw man at sa gusto ni Echiverri, kasama na siya sa away ng magkakapatid lalo’t inamin na ni Marjorie ang naging relasyon nila pagkatapos ng maraming taon.

Sa interview ni Karen Davila kay Marjorie sa ABS-CBN News, inamin nitong hindi siya perpekto kaya’t kahit may asawa si Echiverri ay nakipagrelasyon siya rito.

“Alam mo, hindi ako perfect. I’m very strong in many ways, pero sa pag-ibig talaga, mahina ako. I’m sorry, I’m not very proud of it. That is the reason why I was not announcing to the public,” paliwanag ni Marjorie.

Sinasabi pa ni Marjorie na, “I wasn’t claiming to be perfect, pero ayoko nang makasakit ng ibang tao pa. Maraming masasaktan, eh, kung magiging garapal ako. That’s the reason why I kept it.

“I’m sorry, I’m not perfect. Mali po talaga na I fell in love with a married man. Pero ito na po ‘yun, eh.”

Nilinaw din ni Marjorie na hindi totoo ang bintang na minolestiya ni Echiverri si Claudine. Aniya, favorite word (molestiya) lang daw iyon lagi ni Gretchen.

Sa kabilang banda, sinabi naman ni Gretchen na magpa-file ng kaso si Claudine laban kay Echiverri.

SHOWBIZ KONEK
ni Maricris Valdez Nicasio

 

 

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top