Thursday , November 14 2019
Breaking News
You are here: Home / Showbiz / Yasmien, sunod-sunod ang pagkapanalo sa Star Awards
Yasmien, sunod-sunod ang pagkapanalo sa Star Awards

Yasmien, sunod-sunod ang pagkapanalo sa Star Awards

SI Yasmien Kurdi ang itinanghal na Best Single Performance by An Actress sa katatapos na 33rd PMPC Star Awards For TV na ginanap noong Linggo, October 13 sa Henry Lee Irwin Theater, Ateneo Manila.

Ito ay dahil sa mahusay na pagganap niya bilang si Yolly, isang OFW na ni-rape ng mga pulis sa Saudi Arabia. Tinalo niya sina Shaina Magdayao, Agot Isidro, Amy Austria, Irma Adlawan, Janice De Belen, Joanna Ampil, Mary Joy Apostol, at Shaina Magdayao.

Last year ay si Yasmien ang wagi bilang Best Drama Actress para sa defunct series na Hindi Ko Kayang Iwan Ka, na gumanap siya bilang AIDS carrier. O ‘di ba, dalawang magkasunod na taon nanalo si Yasmien sa Star Awards for TV sa magkaibang kategorya nga lang.

Mahusay naman kasing artista si Yasmien, kaya hindi kataka-taka kung nananalo man siya ng acting award.

Sa kanyang acceptance speech, ay hindi niya nakalimutang pasalamatan ang Kapuso Network sa walang sawang pagsuporta nito sa kanyang career, sa pagbibigay sa kanya ng magagandang role at serye. Siyempre, pinasalamatan din ni Yasmien ang kanyang mister na si Rey, na nagsisilbing inspirasyon niya para mas husayan niya ang kanyang pagganap.

To Yasmien, our congratulations.

MA at PA
ni Rommel Placente

About Rommel Placente

Leave a Reply

Your email address will not be published. Required fields are marked *

*

Scroll To Top