Thursday , November 14 2019
Breaking News
You are here: Home / News / Agriculture employees nagpasaklolo kay Digong… Trabaho, karapatan inagaw

Agriculture employees nagpasaklolo kay Digong… Trabaho, karapatan inagaw

NANAWAGAN ng katarungan ang 10 kawani na nakatalaga sa farm-to-market road program ng Department of Agriculture matapos ibasura at agawin ang kanilang karapatan sa trabaho ni Undersecretary Waldo Reyes Carpio.

Batay sa liham ng mga kawani kay Pangu­long Rodrigo Duterte, humihingi ng kaukulang aksiyon ang 10 con­tractual employees na sina Marissa Aguilar (Senior Administrative Assistant I); Leslie Albano (Project Assistant III); April Joy Ayson (Administrative Assistant VI); Mark Paul Baldeo (Engineer II); Norman Boloron (Admi­nis­trative Assistant V); Alberto Cachero (Project Assistant III); Robin Christopher Cueva (Project Assistant IV); Jerry Gregorio (Adminis­trative Assistant VI); William Inguito Jr. (Project Assistant IV); at Rea Queen Migalbin (Project Assistant IV) dahil sila ay pinatawan ng arbitrary dismissal ni Carpio.

Anila, sila ay may kaukulang contract of services na may bisa hanggang Disyembre 2019.

Binigla umano sila ng opisina ni Carpio at sina­bihan na terminated na ang kanilang kontrata at ito ay epektibo kaaagd-agad.

Binigyang-diin din ng mga kawani na hindi dumaan sa tamang pro­seso ang terminasyon at maging ang kanilang suweldo ay nakabinbin at hindi umano inaprobahan ni Carpio na ma i-release sa kanila.

Bukod dito, ilegal din silang pinalitan ng ibang kontratuwal na kinuha umano ni Carpio mula sa ibang seksiyon ng kaga­waran.

Naniniwala ang grupo na si Carpio ay may mala­lang pag-abuso sa ka­pang­yarihan at lumabag sa probisyon ng labor code sa pagtanggal at pagpapalit sa kanila ng mga taong mas pina­paboran niya.

Isa sa argumento ng complainants ang mada­las na pagkawala ni Car­pio sa opisina at ipinag­bibilin sa isang OIC ang mga trabaho na dapat ay kanyang ginagampanan.

Nananawagan ang mga apektadong kon­trak­tuwal kay Pangulong Duterte na paimbes­tiga­han sa lalong madaling panahon ang kanilang kaso at ang iba pang iregu­laridad sa kaga­waran.

Isinusulat ang bali­tang ito’y hinihintay ang pahayag ni Carpio, ngunit tahimik pa sa reklamo laban sa kanya.

 

HATAW News Team

About hataw tabloid

Leave a Reply

Your email address will not be published. Required fields are marked *

*

Scroll To Top