Friday , March 29 2024

Sue, sakaling ligawan ni Javi — Why not!

HINDI nagkailangan sa intimate scene nila sina Sue Ramirez at Javi Benitez para sa pelikulang Kid Alpha One ng Brightlights Productions.

Ani Sue nang dalawin namin ito sa shooting ng KA1 sa Epic Parc, Tanay, “Okey naman, very professional naman ‘yung intimate scene na kinunan.

Inalagaan naman kami pareho ni Direk Richard Somes since it’s his (Javi) first time rin. Ako rin naman hindi naman ganoon din karami pa ang nawagang intimate scene,” sabi pa ni Sue.

Kuwento naman ni Javi ukol sa intimate scene, “noong una maraming tao, tapos biglang sinabi ni direk Richard ‘o bawas-bawas muna ng tao.’ Tapos after niyon may music, naging okey naman, naging comfortable na kami.”

At dahil intense ang mga action na ginawa nila sa pelikula, intense rin ang ginawa nilang intimate scene.

Naka-topless si Javi sa eksena nila ni Sue pero wala naman siyang butt exposure. “Ha ha ha ibang aksiyon ‘yun. ‘Yung role ko rito medyo killer machine medyo tormented soul ako. Si Sue ang magpapakalma sa akin parang gustong magbago dahil sa kanya. At kumakalma naman ako. Kung paano, ‘yun ang dapat na panoorin,” sambit pa ni Javi.

Samantala, kung noong mga una’y medyo nagkakahiyaan ang dalawa ngayo’y alam na ni Javi ang favorite coffee flavor ni Sue sa Starbucks.

Anang aktor, “favorite niya sa Starbucks, white chocolate mocha,” kaya naman lalo silang tinukso.

Nagustuhan ni Javi ang pagiging totoo ni Sue.

At nang tanungin kung girlfriend material ba ang aktres, sagot ni Javi, “yes, I think so.”

Nang tanungin naman si Sue kung sakaling ligawan siya ng action star, sagot agad nito, “why not!”

Ukol naman sa pagiging aktor ni Javi, sinabi nitong, “very dedicated si Javi. Very passionate siya at bihira mong makikita ‘yun sa tulad niyang baguhang artista na sobra-sobra ang pagiging passionate agad sa craft na ginagawa. Kaya bumilib agad ako sa kanya. At ako na ang mahihiya na magreklamo, mahihiyang male-late. Kasi lahat ng katrabaho mo sobrang professional. Kaya ‘yung level ng professionalism mo may matututuhan ka talaga sa kanya,” sambit pa ni Sue.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *