Thursday , March 28 2024

Sarah G., starstruck pa rin kay Regine; Nautal, nanigas habang kaeksena

MATAGAL nang pangarap ni Sarah Geronimo na makagawa ng pelikula ukol sa aso. Kaya naman dream come true ang Unforgettable na ukol sa ibang klaseng pagmamahal ng isang alagang aso na idinirehe nina Jun Lana at Perci Intalan handog ng Viva Films at IdeaFirst na mapapanood sa Oktubre 23.

Sa one on one interview namin sa Popstar Royalty kahapon sa Gauguin Meeting Room ng Novotel sinabi ng aktres na, “dream come true po ito kasi dream ko eversince na makagawa ng ganitong film na kasama ko, dog. Kasi dog lover po ako at mahal ko po talaga sila. Gusto ko kasing ipakita ‘yun special connection at relationship between humans and dogs, iba sila eh.”

Ani Sarah, ibang-iba ang pelikulang Unforgettable sa mga nagawa niyang pelikula. “Kasi lahat tayo mayroong mga alaga, na parang naging companion at naging best friend. Lahat makare-relate rito lalo na sa mga dog lover. At ang story itself ay talagang malapit sa puso natin, para sa buong pamilya.”

Gina­gam­panan ni Sarah ang karakter ni Jasmine, isang unique, special girl na very loving, may pure heart, very honest , at gagawin ang lahat para sa mga taong mahal niya.

Kuwento ni Sarah, hindi siya nahirapang kaeksena si Milo (pangalan ng aso) dahil maamo ito sa lahat. “Very playful, active, makipaglaro ka lang sa kanya, okey na siya eh. Hindi siya aggressive at very gentle na aso.”

Samantala, bagamat 2nd time nang nakasama ni Sarah si Regine Velasquez (ang una ay sa Captain Barbell), aminado itong starstruck pa rin siya sa Asia’s Songbird.

“Nakaka-starstruck pa rin, kasi si Ms. Regs kahit madalas ko siyang nakikita o nakakasama o nakaka-usap, parang ganoon pa rin. It’s always the same feeling, ‘yung pagka-starstruck hindi nawawala.

“Hindi po ako makasalita masyado kapag nakikita ko siya. Hindi rin ako masyadong maka­galaw, parang naninigas ako, ha ha ha,” susog pa ng aktres at aminadong mas nahirapan siyang kaeksena si Regine kaysa kay Milo, ang aso.

“Si Milo kasi sobrang enjoy lang kami. ‘Yung mga eksena na wala siya (Milo) na kailangang dayain, doon lang medyo mahirap,” kuwento pa ni Sarah.

Makakasama rin ni Sarah sa Unforgettable sina Anne Curtis, Cherie Gil, Tirso Cruz III, Yayo Aguila, Ara Mina, Kim Molina, Meg Imperial, at Gina Pareno.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *