Friday , March 29 2024
Bulabugin ni Jerry Yap
Bulabugin ni Jerry Yap

‘Pork’ sa budget ‘di tatantanan ni Senator Ping

HINDI baboy na may African Swine Flu (ASF) ang nilalabanan ni Senator Panfilo “Ping” Lacson kundi ang ‘pork barrel’ na pinagsususpetsahan niyang ‘isiningit’ sa P4.1 trilyong inaprobahang national budget para sa 2020.

Ito yata ‘yung sinabi ni Rep. Joey Salceda na tig-P100 milyones budget para sa mga kongresista?!

Pero umalma ang deputy speakers, hindi raw totoo na ‘pork’ ‘yun.

Maging si Deputy Speaker Fredenil Castro ng Capiz ay hinamon si Senator Ping na dapat mag-sorry dahil sa pagsira umano sa imahen ng Kamara.

Sa pag-usad ng araw, nakakuha pa ng kakampi si Senator Ping kay Senator pork ‘este Frank Drilon.

‘Yan nagalit na namin ang mga kongresista at binansagan silang mga ‘obstruction’ sa reporma ni Pangulong Digong.

E bakit nga naman hindi muna hintaying makarating sa Senado ang opisyal na trans­misyon ng 2020 national budget nang sa ngayon ay magkaigihan sa debate at deliberasyon.

Pero hindi bibiruin ng mamamayan ang tig-P100 milyones ng mga kongresista kung totoo ‘yan.

Ang laki na ng debt service na pinapasan ng taxpayers, sana naman ay huwag nang maging bulanggugo ang mga mambabatas sa paggastos ng pondong itatakda sa ilalim ng General Appropriation Act para sa 2020.

Gusto natin na mayroong mga mambabatas na nagbabantay sa deliberasyon ng national budget, pero sana naman huwag itong salaulain ng ‘pamomolitika’ lalo na kung para naman sa mga pagbabagong matagal na nating hini­hintay.

Mantakin naman ninyo, traffic lang sa EDSA kung saan-saan na sumasalipawpaw ang utak ng mga mambabatas at ng mga pinuno ng iba’t ibang ahensiya?!

Kung nakikita naman na ang trilyong budget na ‘yan ay magdudulot ng kaginhawaan at pag-unlad huwag nang kontrahin pa.

Dahil sa maingay na pagkontra nina senators Ping & Frank Drilon, tiyak na maraming mag-aabang sa deliberasyon ng national budget sa Senado.

Hihintayin po namin ‘yan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

 

 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *