Friday , December 13 2019
Breaking News
You are here: Home / News / Sanggol lumutang sa Tullahan
Sanggol lumutang sa Tullahan

Sanggol lumutang sa Tullahan

LUMUTANG ang katawan ng isang sanggol na lalaking nakasuot ng diaper sa Tullahan River kamakalawa ng hapon sa Valenzuela City.

Kasalukuyang ginaga­wa ang dike ng ilog sa baha­gi ng F. Bautista St., Brgy. Maru­las nang mahulog sa tubig ang ginagamit na hag­dan ng mga construction workers dakong 1:30 pm kaya’t nilusong ng dala­wang trabahador na sina Jomar Garcia at Erwin Driz.

Pero, nagulat ang dalawa nang makita ang bangkay ng isang sanggol na lalaki na tanging diaper ang saplot sa katawan na lumulutang sa ilog kaya’t iniahon nila ang biktima at kaagad na iniulat sa Valen­zuela Police Com­munity Precinct (PCP) 3.

Nagresponde sa lugar ang mga tauhan ng PCP3, kasama ang mga tauhan ng Scene of the Crime Ope-ratives (SOCO), hang­gang dinala ang patay na sanggol sa PNP Crime Laboratory para isailalim sa autopsy examination upang alamin ang sanhi ng pagka­matay.

Iniutos ni Valenzuela police chief P/Col. Carlito Gaces ang masusing pagsi­si­yasat upang matukoy kung sino ang mga magu­lang ng sanggol na posi­bleng may kinalaman sa pagtatapon ng patay na sanggol sa ilog.(R. SALES)

About Rommel Sales

Leave a Reply

Your email address will not be published. Required fields are marked *

*

Scroll To Top