Tuesday , March 19 2024
electricity meralco

Pagbaba ng koryente inaasahan sa bagong kontrata ng Meralco

UMAASA ang House committee on energy na bababa ang singil sa koryente ng Meralco matapos lagdaan ang panibagong kontrata sa supply ng koryente sa pamamagitan ng Competitive Selection Process (CSP) para sa power supply agreements.

Ayon kay Marinduque Rep. Lord Allan Velasco, ang chairman ng komite, matagumpay ang ginawang bidding ng MERALCO sa Power Supply Agreements (PSA) sa Phinma, San Miguel Energy Corp. (SMEC) at South Premiere Power Corp. (SPPC).

“Magreresulta ito ng pagbaba sa singil sa koryente,” ani Velasco.

Aniya, mas mababa ang benta ng mga nanalo sa bidding kaysa kasalukuyang kontrata ng Meralco.

“These are very price competitive and lower than prevailing generation charges,” ani Velasco.

Paliwanag niya ang nangyari ay tugma sa hinaha­ngad ng administrasyong Duterte na pababain ang presyo ng koryente sa bansa at siguraduhin ma tuloy-tuloy ang supply nito.

Aniya, ang Republic Act No. 11371, o ang Murang Kuryente Act na pinirmahan ni Pangulong Duterte nitong Agosto 2019, ang nagbigay-daan para sa pagbaba ng presyo ng nakonsumong koryente ng mga Filipino.

“We laud the Department of Energy (DoE) and its head, Secretary Alfonso Cusi, as well as industry players and stakeholders for acting swiftly to boost government initiatives in finding ways to provide adequate power supply at lower costs to the end-users,” ani Velasco. (GERRY BALDO)

About Gerry Baldo

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *