Wednesday , October 16 2019
Breaking News
You are here: Home / Showbiz / Sa effort ni FDCP Chairwoman Liza Diño-Seguerra at ng kanyang team… PPP3 Gabi ng Parangal, makulay at successful (Cuddle Weather at RK Bagatsing inapi ng jury)
Sa effort ni FDCP Chairwoman Liza Diño-Seguerra at ng kanyang team… PPP3 Gabi ng Parangal, makulay at successful (Cuddle Weather at RK Bagatsing inapi ng jury)

Sa effort ni FDCP Chairwoman Liza Diño-Seguerra at ng kanyang team… PPP3 Gabi ng Parangal, makulay at successful (Cuddle Weather at RK Bagatsing inapi ng jury)

NAPAKAGARBO at makulay ang Gabi ng Parangal ng Pista ng Pelikulang Pilipino na ginanap sa One Esplanade, Pasay City nitong Linggo ng gabi. Dumalo ang halos lahat ng casts ng 10 entries sa PPP3 at deserving naman ang majority ng winners specially Ms. Angie Ferro na itinanghal na Best Actress para sa pinagbidahang “Lola Igna” at napiling Best Picture ng Jury ng PPP na pinangu­ngunahan ni Angeli Bayani.

Kaya lang kung anong pagmamahal at concern ni Chairperson Liza sa industriya ng Pelikulang Pinoy ay siya namang pagka-okray ng kanilang jury sa festival na inapi ang napakaganda at makabuluhang pelikula ng Regal Entertainment Incorporated na “Cuddle Weather.”

Makatarungan bang sa 20 awards (special and major awards) na ipinagkaloob nila noong gabing ‘yun, ang bidang aktres ng Cuddle Weather na si Sue Ramirez lang ang nominated sa Best Actress at lantaran nilang inisnab ang hayup umarte sa movie na si RK Bagatsing.

Gusto naming linawin na walang kinalaman dito si Ma’am Liza kundi palpak ang kanilang mga jury. Pinaghirapan buuin ni Direk Rod Marmol at Regal Entertainment ang kanilang entry sa PPP2 pagkatapos ito ang ibabalik sa kanila.

Tulad ni Chairwoman Liza, mahal na mahal ni Mother Lily Monteverde ang industriya, kung tutuusin puwede na silang tumigil sa pagpo-produce ng daughter na si Ma’am Roselle pero hindi ito ginawa ni Mother dahil katuwiran niya, gusto pa rin niyang makatulong sa mga artista, maliliit na tao sa production at sa minamahal niyang entertainment media.

Saka no offense meant, sa ibang kasabayang entries ng Cuddle Weather pero kabog sila ng film na ito ni Sue at RK. Ang husay-husay rito ni Aleck Bovick na hindi rin pinansin ng jury para sa kategoryang Best Supporting Actress.

Gayondin Si John Arcilla, na maraming pinaiyak sa kanyang last scene sa The Panti Sisters, pero tinalo siya ni Gio Alvarez sa I’m Ellenya L sa Best Supporting Actor category.

Sa mga jury ng PPP3, Hoy Gising!

VONGGANG CHIKA!
ni Peter Ledesma

About Peter Ledesma

Leave a Reply

Your email address will not be published. Required fields are marked *

*

Scroll To Top