Friday , March 29 2024

Paolo, insecure sa kakintaban ng damit ni Jed

BILANG unang gay artist ng IdeaFirst Company nina direk Jun Robles Lana at Perci M. Intalan si Paolo Ballesteros sa pelikulang Die Beautiful, may cameo role sa Born Beautiful at isa sa bida ng The Panti Sisters, wala siyang nakuhang award.

Si Martin del Rosario ang nagwagi bilang Best Actor sa PPP 2019 Gabi ng Parangal at masaya si Paolo dahil isa sa sisters niya ang inaasahan niyang manalo at nagkatotoo naman.

Ani Paolo, “kahit sino sa kanila ang manalo.  Alam ko na ‘yun kasi sila ‘yung mga kasama ko sa shooting. Hindi talaga siya (Martin) bumitaw sa karakter niya.  Mahirap ‘yung karakter niya na pa-sweet. Mahirap kasi ‘yung nagpapaka-bakla tapos same ‘yung boses, pero siya hindi nagbago, dinala niya sa buong shooting.”

Siguradong may part 2 ang Panti Sisters dahil sa ending ng pelikula ay inanunsiyo na may part-two at may nakalagay na ‘hidden Panti sister’ kilala na ba ni Paolo kung sino bilang kapalit ni Martin dahil nawala na siya sa kuwento?

Well, hindi tayo sure kung ito ba ay sequel o prequel. Kasi alam mo naman ang utak ni Jun at ni Perci,” kaswal na sagot ng aktor.

Hirit namin ‘baka nga prequel kasi wala ng makukuhang ibang aktor na puwedeng makibagsabayan sa kanilang tatlo nina Martin at Christian sa gay role.

Ang taklesang sagot ni Paolo, “ohh, eh, sana isama si Jed Madela para maglaban kami sa pakintaban ng damit!”

Parehong makintab kasi ang suot na damit sina Paolo at Jed sa event.

Nagkatawanan ang lahat sa sinabi ng aktor at nang mapansing naka-video siya ay at saka nagsabi ng ‘joke lang.’

Nairita ba siya na may kapareho siya ng damit? “Charing-charing lang. Kasi nauna siya ‘no? Pagpasok ko ng (venue), huh!  May nauna pala sa akin sa pakintaban ng damit. Pero okay lang, may exposure rin naman ako, ha, ha, ha.”

Dagdag pa, “next time, ha, ha, ha. Next time sabihan mo naman ako na mauuna ka pala (magsuot ng makintab) para mas dinagdagan ko pa, mas binonggahan ko pa. Akala ko bongga na ako, pagpasok ko, shucks, kumakanta si Jed, naunahan na ako,” tumatawang sabi ng aktor.

Seryoso nga ba si Paolo na gusto niyang makasama sa pelikula si Jed? “Why not, isuot niya ‘yung makikintab, magpakintaban kami.

Hindi siya (Jed) mapipikon kasi kaibigan ko siya. Kumuha na siya ng painting sa akin kasi isa siyang art chororot (collector). Kaya nga ako naiinis, puwede naman niya akong i-message na, ‘makintab ang suot ko.’”

Ano kaya reaksiyon ni Jed dito?

FACT SHEET
ni Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *