Friday , December 13 2019
Breaking News
You are here: Home / News / 5 arestado sa pot session
5 arestado sa pot session

5 arestado sa pot session

LIMANG katao ang naaresto kabilang ang tatlong bebot matapos maaktohan ng mga pulis na sumisinghot ng shabu sa loob ng isang bahay sa Caloocan City, kamaka­lawa ng gabi.

Kinilala ang mga suspek na sina Joshua Fontalva, 19 anyos, isang construction worker; Jerry Regis, 42 anyos, foreman; at mga bebot na kinilalang sina Michelle Camacho, 36, Maria Virginia, 31, at Daisy Escober, 34 anyos, pawang residente sa Brgy. 176 ng nasabing lungsod.

Batay sa ulat mula kay Caloocan Police deputy chief for admi­nis­tration P/Lt. Col. Ferdie Del Rosario, dakong 7:00 pm, nagpapatrolya ang mga tauhan ng PCP-3 sa Phase 1, Brgy. 176, Ba­gong Silang nang isang concerned citizen ang lumapit sa kanila at ipinaalam ang nagaga­nap na pot session sa loob ng isang bahay sa Phase 1, Package 3.

Kaagad tinungo ng mga pulis ang naturang bahay kung saan huli sa akto ang mga suspek na sumisinghot ng shabu dahilan upang sila ay arestohin.

Narekober ng mga pulis sa mga suspek ang dalawang nakabukas na plastic sachet ng shabu at ilang drug paraphernalia na tila may bahid ng droga habang nakuha kay Escober nang kapkapan, ang tatlong plastic sachet ng hindi pa matukoy na halaga ng hinihinalang shabu.

Nakatakdang sampa­han ang mga suspek ng kasong paglabag sa RA 9165 o ang Compre­hensive Dangerous Act of 2002 sa Caloocan City Prosecutor’s Office.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top