Wednesday , October 16 2019
Breaking News
You are here: Home / News / Mister pinagbabaril sa mukha, patay
Mister pinagbabaril sa mukha, patay

Mister pinagbabaril sa mukha, patay

PINASOK sa bahay at saka pinagbabaril sa mukha at katawan ang isang 45-anyos mister ng isa sa dalawang hindi kilalang suspek, nitong Linggo ng gabi sa Quezon City.

Kinilala ni P/Lt. Nick Fontanilla ng Criminal Investigation and Detection Unit (CIDU) ng Quezon City Police District (QCPD) ang biktima na si Rommel Martinez Ramirez, 45, may live-in partner, residente sa No. 35-D Kalayaan C. Ext., Brgy. Batasan Hills, QC.

Sa pahayag ni Ma. Jean Idanan, kapatid ng biktima, kay  P/Cpl. Alexiss Mace Jurado, imbestigador ng CIDU, dakong 8:30 pm nitong 15 Setyembre,  habang sila ay nanonood ng  TV,  biglang pumasok sa kanilang bahay ang isang armadong lalaki.

Nilapitan ang kanyang kapatid na si Rommel, sinakal at malapitang binaril sa mukha at sa katawan na agarang ikinamatay ng biktima.

Nang duguang bumu­lagta ang biktima, kaswal na naglakad ang suspek na nakasuot ng itim na jacket, at bull cap, patungo sa kanilang get-away na motor­siklo na naghihintay ang ka­sa­mang nakasuot ng helmet.

Agad humingi ng saklolo ang kapatid ng biktima sa mga opisyal ng barangay na siyang nag-report sa mga awtoridad.

Nakuha sa crime scene ng SOCO team na pinamu­munuan ni P/Capt. Jose Bonifacio ang dalawang basyo ng bala ng hindi pa batid na kalibre ng baril.

Masusing iniimbes­tigahan ng mga awtoridad ang motibo sa naganap na pamamaril upang makilala ang mga suspek.

(ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top