Wednesday , October 16 2019
Breaking News
You are here: Home / News / Tulak na mommy nagtago ng shabu sa medyas ni baby
Tulak na mommy nagtago ng shabu sa medyas ni baby

Tulak na mommy nagtago ng shabu sa medyas ni baby

INARESTO ang isang ina sa Maynila nang mahuling ginagamit ang kaniyang sanggol upang itago ang shabu na kaniyang ibenebenta.

Kinilala ang suspek na si Annaliza Aligado.

Naging emosyonal pa si Aligado, yakap-yakap ang kaniyang tatlong buwang sanggol, nang dalhin ng mga opisyal ng Barangay 108, Zone 9, Tondo sa tanggapan ng Manila Police District.

Pahayag ng isang barangay kagawad, ma­ta­gal nang nakatimbre sa kanila ang pagtutulak ng suspek.

Naaktohan umano ng mga tauhan ng bara­ngay na nakikipag­transaksiyon ang suspek kasama ang kanyang sanggol sa C-2 Capulong Rd., Barangay 108 ngunit nakatakas ang kanyang parokyano

Pahayag ng isang barangay tanod, sa medyas ng sanggol itina­go ng suspect ang isang sachet ng hinihinalang shabu, at nabisto ito nang kapain ng mga awtoridad ang medyas ng bata.

Inihahanda ang patong-patong na kaso ng ilegal na droga at pagpapabaya at pang-aabuso sa sariling anak laban sa suspek.

About hataw tabloid

Leave a Reply

Your email address will not be published. Required fields are marked *

*

Scroll To Top