Friday , March 29 2024

DPWH Secretary Mark Villar, prehuwisyo ng ‘sipag at tiyaga’ sa mga motorista at commuters sa C-5, Multi Ave., at Kaingin Road iyong pagmasdan at danasin

MARAMING motorista na dumaraan sa kalsadang ibinunga ng sipag at tiyaga o ang C-5, ang nagnanais na imbitahan si Department of Public Works and Highways (DPWH)  Secretary Mark Villar para matunghayan niya ang paghihirap  na dinaranas nila sa araw-araw.

Ang kalsada pong ito ay ‘yung dulo ng C-5 na nagkukrus sa Multinational Ave., at dederetso sa napakaliit na Kaingin Road palabas sa South Luzon Expressway (SLEX).

Dito po literal na nag-iimbudo ang mga sasakyan at masasabi nating ‘bottleneck’ rin ng pagdurusa ng mga motorista at commuters na karamihan ay mga empleyado at ang iba naman ay mga estudyante.

Sa araw-araw na ginawa ng mga diyos-disyosan na lumikha ng kalsadang ito (C-5), ni minsan ay hindi man lang nakaramdam ng ginhawa ang mga dumaraan diyan.

Sa totoo lang, ang kalsadang ‘yan o ang C-5 ay pinatagos sa loob ng Las Piñas City para maging maalwan ang biyahe.

Sa siyudad ng Las Piñas na naka-imbudo ang mga negosyo, pabahay at iba pang proyekto ng mga Villar.

Kung hindi tayo nagkakamali, dapat na tumagos ang kaginhawaan o kaalwanang ‘yan hanggang sa karatig pook o karatig siyudad ng Las Piñas gaya ng Parañaque City, pero mukhang tinamad nang dumiretso ang sipag at taga ‘este tiyaga para itayo ang “overpass” na babasag sa nag-iimbudong trapiko sa sangandaan ng C-5 Road, Multinational Ave., at Kaingin Road.

Secretary Mark Villar, hindi maintindihan ng mga motoristang nagdaraan sa lugar na ito kung bakit kailangan nilang magdusa nang 30 hanggag 45 minutos o kung minsan ay umaabot nang isang oras bago makaalpas sa lugar na ‘yan patungo sa kanilang mga destinasyon.

Ang lugar na ito ay napaka-vital sa transportation at freight industries dahil malapit na malapit lang ito sa Airport.          

Mantakin ninyong isipin kung ang isang motorista o commuter ay papuntang airport mula sa lugar na ‘yan at inaabot nang ganyang pagkakabinbin dahil sa trapiko?! Tiyak na hindi siya aabot sa kanyang flight.

O kung hindi pa rin pumapasok sa utak ninyo kung anong pinsala ang ginagawa niyan sa mga motorista at commuters, inaanyayahan ka namin Secretary Mark Villar — kahit isang umaga at isang rush hour lang maranasan mo naman…

Kapag naranasan mo na, hindi ko na sagot kung ano ang masasabi mo sa erpat mong mahal dahil sa prehuwisyong dulot ng ‘sipag at taga.’

Arayku!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *