Thursday , March 28 2024

Sue at RK parehong mahusay sa pokpok roles (Red carpet premiere ng “Cuddle Weather” mega successful)

BUKOD sa sandamakmak na fans nina Sue Ramirez at RK Bagatsing ay sinuportahan din ng ilang stars ang mega successful na Red Carpet Premiere ng kanilang pelikulang Cuddle Weather sa SM Megamall Cinema 7 nitong Miyerkoles.

Ilan sa mga dumating ang co-stars nina RK sa Nang Ngumiti Ang Langit na sina Cristine Reyes, Keempee de Leon at Moi. Sumuporta rin ang couple na kapwa director  na sina Antoinette Jadaone at Dan Villegas.

Well, lahat ng nasa loob ng sinehan ay tahimik at seryosong pinanood ang maselan pero mapusong pelikula ng Regal Entertainment Inc., na tumatalakay sa prostitution.

In all fairness sa lahat ng pelikula na may temang ganito, ang istorya ng Cuddle Weather na umikot sa mga character nina Adela (Ramirez) at Raam (Bagatsing) ang talagang tatagos sa inyong puso. Parehong hayop umarte at mahusay na pokpok ang dalawa sa pelikula.

At marami ang na-surprise sa biglang paglabas ni Mark Anthony Fernandez bilang young sugar daddy ni Sue na iniwan rin siya at Niño Muhlach na isa sa mga naging kliyente niya.

Kaaliw rin ang pagpatol ni RK sa matronang si Dexter Doria. Nakaiiyak ‘yung tagpo ng mag-inang Sue at Aleck Bovick at ‘yung pagtigil nila ni RK sa pagbebenta ng aliw at pagsisimula ng bagong buhay sa probinsiya.

Hindi lang kayo mae-entertain sa pelikulang ito kundi marami kayong aral na mapupulot. At sobra mang daring ang mga eksenang mapa­panood kina Sue at RK maging pakikipagtalik nila sa kanilang mga customer ay mamahalin n’yo ang dalawa.

Dapat saludohan ang director ng Cuddle Weather na si Direk Rod Marmol na lumikha hindi lang ng dekalidad na pelikula para sa Pista ng Pelikulang Pilipino (PPP) kundi tunay na kapa­nopanood.

Simula ngayong September 13 ay palabas na ang pelikula 180 Cinemas nationwide.

VONGGANG CHIKA!
ni Peter Ledesma

About Peter Ledesma

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *