Wednesday , October 16 2019
Breaking News
You are here: Home / News / Ipinahuli ng live-in partner dahil sa sex video… Koreano naglaslas ng pulso sa piskalya
Ipinahuli ng live-in partner dahil sa sex video… Koreano naglaslas ng pulso sa piskalya

Ipinahuli ng live-in partner dahil sa sex video… Koreano naglaslas ng pulso sa piskalya

NILASLAS ng isang Korean national ang sariling pulso habang isinasailalim sa inquest proceedings batay sa reklamo ng kanyang kinakasamang Pinay dahil sa pagpo-post ng kanilang sex video sa Caloocan City, kamaka­lawa ng hapon.

Kinilala ang suspek na si Xiwoo Kwak, 40 anyos, ng Hobart Village, Don Ramon St., Brgy. Kaligayahan, Novaliches, Quezon City at nahaha­rap sa kasong paglabag sa anti-voyeurism law, alarm and scandal at resistance and disobe­dience to persons in authority.

Dakong 3:00 pm, ineskortan ng mga pulis na isang P/Cpl. Qui­nones at P/Cpl. Moneset ang Koreano patungo sa Caloocan Judicial Hall  na matatagpuan sa 10th Avenue, Brgy. 15, para sa inquest proceedings.

Nang lalagdaan ni Kwak ang inquest form sa ikatlong palapag ng judicial building bigla umanong nabalisa ang suspek at parang dalag na nagpipiglas na naka­tawag sa atensiyon ng mga tao sa paligid.

Tinangkang payapain ng mga pulis si Kwak ngunit nakadampot ng basag na tiles na kanyang ginamit para para mag­las­las ng pulso kaya’t itinakbo sa Caloocan City Medical Center (CCMC) para magamot.

Patuloy na humihingi ng patawad ang suspek sa kinakasamang Filipi­na habang nakapiit sa Caloocan Police deten­tion cell.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top