Friday , March 29 2024
Bulabugin ni Jerry Yap
Bulabugin ni Jerry Yap

Work, work, work legacy ng mga kongresista sa Kamara history na

HATAW to the max sa work, work, work ang Kamara sa pamumuno ni Speaker Alan Peter Cayetano.

Nagtatala ngayon ng ‘historic’ o makasaysayang hakbang ang mga kongresista sa pag-aaproba ng mga panukalang batas lalo ang mga prayoridad na programa ng Duterte administration.

Aba’y nitong Martes, sinumulan na ang plenary debate sa 2020 National Budget nang maagang natapos ng House Committee on Appropriations ni Rep. Isidro Ungab ang pagtalakay sa national budget noong nakaraang Biyernes.

Nito namang Lunes, dalawa pang priority bills ni Digong ang lumusot sa ikatlo at huling pagbasa. Ito ang House Bill (HB) 304 o ang Passive Income and Financial Intermediary Taxation Act (PIFITA), at HB 300 o Amendment of the Foreign Investments Act (FIA).

Ito ang ikalawa at ikatlong priority bills na inaprobahan ng 18th Congress, matapos aprobahan ng kamara ang panukala na naglalayong dagdagan ang excise tax ng sigarilyo, alak at vaping products noong 20 Agosto 2019.

Ang PIFITA bill ay nakakuha ng 186 yes votes, 6 negative votes at 2 abstentions. Saman­talang ang FIA Amendment bill ay may 201 affirmative votes, 6 negative votes at 7 abstentions.

Layon ng PIFITA bill na amyendahan ang National Internal Revenue Code (NIRC) of 1997 at repormahin ang pinansiyal na sektor ng bansa. Ayon kay Rep. Joey Salceda, pangunahing may-akda ng panukala,  magkakaroon ng magandang laban ang Filipinas na makahikayat ng mga mamumuhunan upang pondohan ang mga proyektong impraestruktura ng Filipinas na makatutulong sa pagbibigay ng trabaho sa mga Pinoy.

Layon ng FIA Amendment bill na pangu­nahing akda ni Rep. Victor Yap na amyendahan ang Republic Act No. 7042 o Foreign Investment Act of 1991, sa pamamagitan ng pagpayag sa mga dayuhan  na makapag-practice ng kanilang propesyon sa Filipinas. 

Kaugnay nito, pinuri ni Deputy Speaker Camarines Sur Rep. Luis Raymund Villafuerte, Jr., ang mabilis na pag-aproba sa naturang priority bills na maituturing na ‘unprecedented’ sa ilalim ng liderato ni Speaker Cayetano.

Sa ngayon, nakatutok ang kamara sa plenary deliberations ng national budget na mag-uumpisa mula 1:00 pm hanggang 9:00 pm mula Lunes hanggang Biyernes upang maseguro na maaaprobahan ito bago ang 4 Oktubre 2019.

Siniguro din ni  Cayetano na magiging pork-free ang pambansang badyet bilang tugon sa hangarin ni Digong na ligtas at komportableng buhay para sa mga Filipino.

Lower house solons, work at hataw pa more!

Puwedeng-puwede pala!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *