Thursday , March 28 2024

Javi Benitez pinahanga si Direk Richard Somes sa husay sa fight scenes

ISA kami sa naimbitahan para sa set visit ng “Kid Alpha One” sa Tanay, Rizal at masuwerte kami at ipinanood sa amin ni Direk Richard Somes ang unedited hardcore action scenes ng bidang aktor sa pelikula na si Javi Benitez. Habang pinanonood namin ang matitinding fight scenes ni Javi na mala-hollywood action star ang dating ay napapabuntong-hininga kami sa husay niya bilang baguhan. Maging si Direk Somes ay kinabiliban ang kaibigang aktor na may ibubuga raw talaga. At pagmamalaki pa niya, mabilis raw ang pick-up ni Javi sa instructions niya.

Gusto pa lang ibuild-up ni Direk si Javi bilang Marlon Brandon o James Dean na action star na may taglay na sex appeal.

“I show him Marlon Brandon, James Dean etc. Sabi ko sa kanya, ‘you should be a man’s man.’ Dapat you should be an alpha. Importante na nag-i-standout ka, larger than life ka,” susog ng direktor.

Natuwa naman si Direk Richard na ina-accept lahat ni Javi ang mga sinasabi niya sa actor.

“Ina-absorb niya kasi kahit sa cut ng kanyang mga costume, nag-a-agree kami. Tailored lahat ‘yan (isinusuot ni Javi), on what shoes to wear, what pants, what size of pants. Kasi as a director it’s my job to make him larger than life. Pero at the same time it’s also my job on how to make my actors look good.”

Hayun at bumili raw agad ng kilalang brand ng maong pants si Javi at ito ang ginagamit niya sa kanyang mga shoot. Bukod sa sobrang husay sa fight scenes, alam ni Direk Somes na may ibubuga si Javi pagdating sa intimate scenes.

At hindi raw siya nagkamali dahil hot ang dating ng bed scene ni Javi at leading lady na si Sue Ramirez. At kaabang-abang rin daw ang shower scene ni Javi na makikita ang magandang katawan ng action star. Parte rin ng cast sina Christoper de Leon, Tonton Gutierrez, Joross Gamboa, Jeff Tam, Carla Humpries, Marela Torre (daughter of Joel Torre).

May negosasyon pa­ra sa international release ng pelikula ni Javi at next year ay nakatak­dang ipalabas ang Kid Alpha One, sa ating bansa.

VONGGANG CHIKA!
ni Peter Ledesma

 

About Peter Ledesma

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *