Friday , March 29 2024
Bulabugin ni Jerry Yap
Bulabugin ni Jerry Yap

Matang Agila laban sa korupsiyon

WALANG makalulusot na kahit anong iregularidad o uri ng korupsiyon sa Kamara.

‘Yan ang pangako ni Speaker Alan Peter Cayetano sa ilalim ng kanyang pamumuno. 

Kaya naman bantay-sarado si Cayetano sa panukalang 2020 national budget na tinatalakay ngayon sa Kamara. Tinitiyak ni Cayetano na ang unang General Appropriations Bill (GAB) sa ilalim ng kanyang Speakership ay walang bahid ng korupsiyon, walang ‘pork barrel’ at walang ‘parking’ ng pondo. 

Laging ipinaaalala ni Cayetano na hindi niya papayagan ang anomang ilegal na ‘insertions’ sa GAB. Wala rin mga kaduda-dudang ‘parking’ ng pondo. Walang lump sum sa budget na hindi nakadetalye ang gamit o  ‘nakaparada’ sa isang distrito, para gamitin sa ibang proyekto o distrito ng ibang kongresista. 

Ito kasi ang nakagawian noong mga nakaraang Kongreso. Ang gustong matiyak ni  Cayetano ay hindi na mauulit ang mga ganitong kuwes­tiyonableng gawain sa ilalim ng kanyang Speakership.

 “Constitutional, legal, transparent at accountable” na budget ang pangako ni Cayetano. 

Napatunayan ni Cayetano na tutuparin niya  ang kanyang pangako nang magkaroon ng budget briefing ang Department of Public Works and Highways (DPWH), si Cayetano mismo ang nagtanong kay Secretary Mark Villar kung may nakatago bang pork sa proposed budget ang departamento, o kung may naka-park bang pondo dito?

Tiniyak ni Villar na walang pork o parking sa budget ng DPWH. 

Kamakailan, nakakuha rin ng commitment si Cayetano mula sa mga kapwa niya mambabatas na ang proposed 2020 budget na tinatalakay ngayon ay susuriing mabuti at hindi maaantala tulad ng nangyari sa 2019 budget. 

“Walang lugar ang  ‘pork o parking’ sa  2020 budget,” pangako ni Cayetano. 

Alam naman natin kung ano ang nangyari sa 2019 budget. Na-delay ang pagpasa nito sa Kongre­so kaya na-delay rin ang mga proyekto ng go­byerno na magpapasigla sa ekonomiya ng bansa. 

May proyekto rin ang DPWH na nagka­kaha­laga ng P95.37 bilyon ang nai-veto ni Pangulong Rodrigo Duterte sa 2019 budget. ‘Ika n’ya, hindi niya papayagan ang korupsiyon sa kanyang administrasyon. 

Ayaw na ayaw maulit ni Cayetano ang nang­yari sa 2019 budget. Kaya naman nang magkaroon ng kaunting di-pagkakaunawaan sa pagitan nina Deputy Speaker LRay Villafuerte at Davao City Rep. Isidro Ungab, ang chairman ng House appropriations committee, agad umaksiyon si Cayetano.

Kung matatandaan, binawi ni Villafuerte ang isinumiteng 2020 General Appropriations Bill sa plenaryo dahil kasalukuyan pa umanong nagsa­sagawa ng budget briefings sa appropria­tions committee.

Sinabi ni Ungab, ang pagsusumite ng GAB sa plenaryo matapos ibigay ng Malacañang ang proposed budget ang tamang patakaran na dapat sundin. 

Mabilis na nagpatawag ng meeting si Cayetano para maayos ang isyu. Bukod kay Ungab at Villafuerte,  nasa pagpupulong rin si Majority Leader Martin Romualdez, Senior Deputy Majority Leader Jesus Crispin Remulla, Deputy Speaker Neptali Gonzales II, appro­priations committee vice chairperson Elenita Ermita Buhain, at iba pang  vice chairpersons ng komite.

Matapos ang meeting, ipinahayag ni Cayetano na tapos na at wala ng dapat pag-usapan sa isyu, at ang budget ay masusing pag-aaralan at hindi maaantala. Nag-request siya sa lahat ng government agencies na magsumite ng presentations ng kani-kanilang budget proposal bago mag-5:00 pm nitong 3 Setyembre. 

Pagkatapos mamagitan si Speaker, wala nang narinig hinggil sa isyu mula kay Villafuerte at Ungab. 

Ang mabilis na aksiyon ni Cayetano sa gusot ang nagpatunay na kaya niyang panatilihing maayos ang Kamara sa ilalim ng kanyang pamamahala.

Sa ilalim ng kanyang pamumuno, nana­natiling nagkakaisa ang Kamara para tulungan ang Pangulo na maipatupad ang kanyang adhikain na ligtas at maginhawang buhay para sa bawat Filipino. 

Sa ilalim ng Speakership ni Cayetano na bantay sarado laban sa korupsiyon, marahil ay maibabalik na muli ang tiwala ng ating mga kababayan sa Kamara bilang isang institusyon.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *