Sunday , August 9 2020
Breaking News
You are here: Home / News / Striker ng PNP Finance sa Camp Crame binoga
Striker ng PNP Finance sa Camp Crame binoga

Striker ng PNP Finance sa Camp Crame binoga

BINARIL ang isang civi­lian striker ng Philippine National Police (PNP) ng hindi kilalang suspek sa loob ng bar sa Taguig City, nitong Sabado ng madaling araw.

Nakaratay sa Medical City Taguig ang biktima na kinilalang si Mario Cabungcal, 39, binata, civilian striker ng PNP Finance sa Camp Crame, Quezon city sanhi ng tama ng bala sa katawan.

Inaalam ng awtoridad ang pagkakakilanlan ng gunman.

Sa ulat ng Southern Police District (SPD), naganap ang pamamaril sa loob ng JAJ Grill and Resto Bar na matatag­puan sa Katipunan Street, Barangay Bambang, Taguig City, dakong 3:00 am.

Sa hindi batid na dahilan, bigla umanong nilapitan si Cabungcal ng armadong suspek saka binaril at mabilis na tumakas sa hindi batid na direksiyon.

Kaagad dinala ang biktima sa naturang pagamutan na patuloy na nilalapatan ng lunas.

Sinusuri ng Taguig City Police ang kuha ng CCTV sa loob ng resto bar upang matukoy ang pagkakakilanlan ng suspek. (JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top