Hacking sa BDO hindi ba kayang solusyonan nang mabilisan?

HINDI lang minsan nating naririnig at nababasa ang reklamo ng mga depositor ng BDO na biktima ng hacking sa kanilang banking system.

Sa pagkakataong ito, isang kabulabog natin ang direktang naging biktima ng hacking.

Kung sa ibang tao, baka sabihing maliit lang ang nakuha doon sa kabulabog natin. Pero, iklaro lang natin na hindi rito pinag-uusapan kung malaki o maliit, ang pinag-uusapan.

Ang isyu rito, pinaghirapan kitain ng depositor ang perang iyon at inilagak nila sa BDO dahil kompiyansa sila na naayos na ang kontrobersiyal na isyu ng hacking sa banking system nila.

Pero hindi pa pala.

Ang masaklap nito, kapag nagreklamo ang depositor, ang kaya lang sabihin ng BDO, “Iimbestigahan po and after two weeks, babalikan namin kayo.”

Wattafak!

Hindi man lang mabigyan ng assurance ang depositor na “ibabalik po natin ‘yang nawalang pera sa account ninyo.”

Hindi ba kaya ng BDO na bantayan ang sistema nila? Lalo na ‘yung mga naka-online banking at naka-ATM?! Kadalasan kasi, sila ang nabibiktima ng hacking.

Dapat tandaan ng BDO na kung madalas na nabibiktima ng hacking ang mga depositor, ibig sabihin, mahina ang sistema nila kaya nagiging paborito sila ng hackers.

Kailan kikibo ang BDO, kapag multi-milyones ang nakuha at sila mismo ang biktima?!

Hindi natin alam kung bakit tila ganyan kakampante ang BDO, hindi ba sila concern sa mga clients nila?!

Sana naman ay bilisan ng BDO ang pagresolba sa mga kaso ng hacking.

Kawawa naman ang mga depositor ninyo.

Ay sus! Aksiyon po ang kailangan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap