Tuesday , March 19 2024

F2, reyna ulit ng Superliga

MATAPOS ang back-to-back runner-up finishes, balik na sa wakas sa tuktok bilang reyna ang F2 Logistics matapos talunin ang Cignal sa Game 2, 25-14, 25-16, 25-19, sa kanilang 2019 Philippine Superliga All-Filipino Conference Finals series kamakalawa ng gabi sa Mall of Asia Arena sa Pasay City.

Nagningning para sa Cargo Movers si Fil-Am sensation Kalei Mau na kumana ng 19 puntos sa 17 atake upang giyahan ang koponan sa tuluyang 2-0 sweep kontra sa HD Spikers.

Bunsod nito, napasakamay ulit ng F2 Logistics ni head coach Ramil De Jesus ang PSL title matapos huling mapanalunan noon pang 2016.

Sa nakalipas na dalawang taon, matatandaan na nagkasya lang sa runner-up ang Cargo Movers sa likod ng dating 2-time champion Petron na inilaglag ng Cignal sa semis.

Sumuporta kay Mau si Kim Kianna Dy na may 13 puntos sa 9 atake at 4 blocks habang may tig-6 markers ambag sina Majoy Baron at Ara Galang.

Sa kabilang banda, tanging si Jovelyn Gonzaga na may 9 points ang nakapagpasiklab para sa HD Spikers na bigong matuldukan ang pambihirang Finals run nito matapos silatin ang kampeon na Blaze Spikers sa semis.

Samantala, itinanghal din si Mau bilang MVP at Best Scorer ng All-Filipino Conference.

Pinarangalan bilang Best Setter si Alohi Robins Hardy at Jeck Dionela bilang Best Libero ng Cignal.

Best Opposite Spiker si Dindin Santiago-Manabat ng Foton, 2nd Best Middle Blocker si Majoy Baron ng F2, 1st Middle Blocker si Jaja Santiago ng Foton din habang sina Rachel Ann Daquis ng Cignal at Sisi Rondina ng Petron ang pinangalanan bilang 1st at 2nd Best Outside Spiker, ayon sa pagkakasunod.

(JOHN BRYAN ULANDAY)

About John Bryan Ulanday

Check Also

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

RP Blu Boys JHL Jean Henri Lhuillier

JHL nagalak  
CEBUANA LHUILLIER SOFTBALL TEAM WAGI SA PANGEA CUP INT’L SLO PITCH TOURNEY

MULING nagwagi ang RP Blu Boys, na ipinagtanggol ang kanilang titulo sa Men’s Super Division …

Pinoy electrical & civil engineers bowler rivalry sa WED tuloy-tuloy

Pinoy electrical & civil engineers bowler rivalry sa WED tuloy-tuloy

SA TEMANG “Engineering Solutions for a Sustainable World,” ang Philippine Technological Council (PTC) WED celebration …

Michael Concio Chess

FIDE Rapid Rated event:  
IM CONCIO KAMPEON SA 1ST MARINDUQUE NAT’L CHESS CHAMPS

Final Standings: (Open Division, 83 participants) 6.5 points—IM Michael Concio Jr. 6.0 points—FM Roel Abelgas, …

Daniel Quizon Jonathan Jota Chess

Quizon giniba si Jota nanguna sa 1st Marinduque National Chess Championship

MANILA — Winalis ni reigning Philippine National Open Champion International Master Daniel Quizon ang kanyang …

Leave a Reply

Your email address will not be published. Required fields are marked *