Saturday , August 17 2019
Breaking News
You are here: Home / News / Sa Kamara… Reyna ng Appro ‘kusinera’ rin ng PDAF scam
Sa Kamara… Reyna ng Appro ‘kusinera’ rin ng PDAF scam

Sa Kamara… Reyna ng Appro ‘kusinera’ rin ng PDAF scam

NAMUMUO ang isang bagong iskema ng korup­siyon sa Kamara ng mga Representante na posi­bleng maghunos bilang “bagong Napoles scam.”

Ayon sa ilang taga-Committee on Appro­priations, ang nilulutong iskema ay tila inobasyon ng tradisyonal na ‘pork barrel scheme’ na kino­kontrol ng binansagang “Reyna ng Appro” na sinabing retiradong direc­tor.

Katuwang ng retira­dong director ang inire­komenda niyang pa­mang­kin para makontrol ang badyet na nakalaan sa priority development assistance fund (PDAF) at Department of Public Works and Highways   (DPWH).

Dating opisyal ng Com­mittee on Appro­priations ang retiradong opisyal pero nagawa niyang makabalik bilang consultant dahil ‘na-hostage’ niya ang proseso sa pagbabadyet at koor­dinasyon sa mga kongresista.

Nagduda ang ilang nagmamasid kung bakit nakabalik sa posisyon ang retiradang opisyal na gumawa ng paraan upang mahawakan ng kanyang pamangkin ang maseselang transaksiyon sa paglalaan ng pondo.

Target sa maniobra ang badyet sa tradisyonal na PDAF ng mga kongre­sista at ang dambuhalang pondo na nakalaan  sa DPWH.

Pinagdududahan ang pagtatalaga bilang con­sultant sa retiradang opisyal dahil hindi siya ‘tauhan’ ng matataas na opisyal sa Kamara tulad nina Speaker Alan Peter Cayetano, Majority leader Martin Romualdez at maging ng incoming speaker na si Rep. Lord Alan Cayetano.

Sinasabing paroon at parito sa ibang bansa ang ‘magtiyahin’ dahil isina­sama sila ng mga kongre­sista sa mga official travel bukod pa ang pambi­hirang lifestyle.

Imbes mag-opisina sa tanggapan ng committee on appropriations, ang magtiyahin ay gumagawa ng transaksiyon sa opisina ng isang kongre­sista na may kontrol nga­yon sa paglalaan ng mga pondo.

Demoralisado ang mga kawani sa Commit­tee of Appropriations dahil itinatago sa kanila ang pag-aayos ng tran­saksiyon sa paglalaan ng pondo.

Nagtatanong ang ilang grupo kung anong ‘mina’ ng kayamanan mayroon ang tanggapan ng committee chairman at kung anong klase ng ‘silya’ ang nasa mesa nito dahil doon naglalagi ang ‘magtiyahin’ sa pag-aayos ng pondo imbes sa tanggapan ng Committee on Appropriations.

About hataw tabloid

Leave a Reply

Your email address will not be published. Required fields are marked *

*

Scroll To Top