Friday , March 29 2024
INIHARAP sa media ni Makati chief of police P/Col. Rogelio Simon ang naarestong NBI Officer na si Monakiram Batabor nang tangkaing arborin ang isa sa walong suspek na naaresto sa isinagawang buy bust operation ng Station Drug Enforcement Unit (SDEU) sa pangunguna ni P/Lt. Jeson Vigilla, kung saan nasamsam ang 48 sachet ng shabu, isang weighing scale at drug paraphernalia sa San Jose St., Barangay Guadalupe Nuevo, Makati City nitong Lunes ng gabi. (ERIC JAYSON DREW)

NBI agent umarbor ng drug suspect arestado sa buy bust

ISANG nagpakilalang intelligence officer ng National Bureau of Investigation (NBI) ang dinakip at dinisaramahan sa isinagawang buy bust operation ng ng Makati police Station Drug Enforce­ment Unit (SDEU) nang tangkaing arborin ang kasong droga ng kanyang tiyuhin na kabilang sa walong hinuli sa operation sa lungsod, nitong Lunes ng gabi.

Kinilala ni P/Col. Rogelio Simon, hepe ng Makati Police ang suspek na si Monakiram Batabor, 39, NBI Intel Officer 1, may asawa, ng 8580 Sgt. Fabian Yabut St., Bara­ngay Guadalupe Nuevo, Maka­ti City na maha­harap sa paglabag sa RA 1829 (Obstruction of Justice) at RA 3019 (Anti Graft and Corruption Practices Act).

Dakong 6:57 pm, unang nagkasa ng buy bust operation ang mga tauhan ng SDEU sa pangunguna ni P/Lt. Jeson Vigilla, na ikina­aresto ng walong suspek kabilang ang umano’y kaanak ni Batabor, sa isang ‘drug den’ sa 8591 San. Jose St., Bgy. Guadalupe Nuevo.

Kabilang sa mga hinuli ang mga suspek na sina Anshari Alinor, alyas Alinor; Anshano Ansari, alyas Lucas; Manjale Currie, alyas Benjie; Joemari Edradan, alyas Jomar; Alex Boteri, alyas Alex; Michail Lugay, alyas Mike; Marcelo Mallari, alyas Boyet, at Johaima Oday, pawang nasa hustong gulang.

Nasamsam ang 49 pirasong selyadong pake­te na naglalaman ng umano’y shabu na may street value na P15,500, P500 buy bust money, at drug paraphernalia.

Sa himpilan ng Maka­ti police, dumating si Batabor dakong 8:00 pm at nagpakilalang NBI agent, nagpakita ng ID at kinausap ang SDEU personnel para arborin ang kanyang tiyuhin na nairekord pa sa surveil­lance video ng pulisya.

Agad inaresto ng mga pulis ang nasabing NBI Intel Officer at dinisa­rmahan ng Gloc, caliber .40 pistol na may SN AAFS026, isang maga­zine na naglalaman ng 15 pirasong bala, isang inside holster, at kinom­piska rin ang kanyang Samsung cell phone (A50), itim na wallet, NBI Badge, NBI ID, NBI permit to possess & carry firearms, voters ID, BIR TIN ID, driver’s license at PRC ID.

Nakapiit ang mga suspek sa detention cell ng pulisya at inihahanda na ang kaukulang kaso laban sa mga ito.

(JAJA GARCIA)

About Jaja Garcia

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *