Friday , November 15 2019
Breaking News
You are here: Home / News / Wala akong balak tumakbong presidente o bise presidente — Mayor Isko
Wala akong balak tumakbong presidente o bise presidente — Mayor Isko

Wala akong balak tumakbong presidente o bise presidente — Mayor Isko

“I WILL definitely not be running for vice president moreso, as president in 2022 and that is final.”

Ito ang matatatag na paninindigan ni  Manila Mayor Francisco “Isko Moreno” Domagoso kahapon bilang pagtanggi sa mga panawagan na siya ay tumakbo sa mas mataas na posisyon.

Sa isang panayam kay Moreno, sinabi niyang hindi pa aniya nag-iinit ang puwet niya bilang Mayor ng Maynila at wala pa sa katiting ang kani­yang mga nagawa.

Seryoso at napakalaki ng problemang iniwan ng nakaraang adminis­tra­syon at ito aniya ang kaniyang pagtutuunan ng pansin.

Ayon kay Moreno, hindi sapat ang tatlong taon upang ayusin ang problema sa Maynila. Kailangan din aniyang tuparin niya ang pangako na binitawan niya sa mga taga-Maynila at maha­bang panahon ang gugu­gulin upang maisaka­tuparan ito.

Malaki ang pasa­salamat ni Moreno sa mga tao na nagtitiwala at naniniwala sa kanya na kalipikado siya sa mas ma­taas pang posisyon gaya ng bise presidente at presidente, gayonman nanindigan si Mo­reno na tatapusin niya ang termino bilang mayor ng Maynila hanggang 2022 at pinal na aniya ang desisyong ito.

“It’s not gonna happen. Nagsasalita na ‘ko nang tapos. Kaya ‘yung mga nagpu-push na tumakbo akong Presi­dent or Vice President, tigilan n’yo na ‘yan. Mabuti pa, tumulong na lang kayo sa ating pama­halaang-lungsod kung paano natin maibabangon ang Maynila mula sa matinding pagka­kalug­mok nito,” ayon kay Mayor Isko.

Binigyang diin ni Moreno, malaki ang utang na loob niya sa mga taga-Maynila dahil sa kanyang  overwhelming victory noong nakaraang elek­siyon. Aniya, nais niyang gugulin ang lahat ng panahon upang mapa­buti ang kalagayan ng lahat ng taga-Maynila.

“Mahal ko ang Maynila at ang mga Mani­leño na nagluklok sa akin upang pamunuan ang lungsod kaya’t hinding-hindi ko sila iiwan at bibiguin,” pagtiti­yak ni Moreno.

About hataw tabloid

Leave a Reply

Your email address will not be published. Required fields are marked *

*

Scroll To Top