Wednesday , October 16 2019
Breaking News
You are here: Home / Showbiz / Pagsipot ni James, naka-nega sa Indak 
Pagsipot ni James, naka-nega sa Indak 

Pagsipot ni James, naka-nega sa Indak 

AYAW ipabanggit ng taong kausap namin ang pangalan niya na hindi nakaganda ang pagsipot ng boyfriend ni Nadine Lustre na si James Reid sa premiere night ng pelikulang Indak produced ng Viva Films na idinirehe ni Paul Alexie Basinillio.

Ang detalyadong sabi sa amin, “sina Nadine at Sam (Concepcion) ang magkatambal sa movie, love interest nila ang isa’t isa. Nawala ang promo ng team-up noong dumating si James kasi siyempre sa kanya ang focus ng fans.  Siyempre sila ni Nadine ang hinihiyawan ng tao, instead of Sam and Nadine.  Anong masasabi mo? Is that a good slant for promo/publicity? Tapos ang nakalagay, suportado ni James si Nadine, o’cmon, huwag na tayong maglokohan.”

Base naman sa lahat ng nakapanood ng pelikula, magaganda ang shots at mala-foreign ang dating. Pero mahahalata na parang iwas si Nadine kapag may intimate scene na sila ni Sam.

Kaya tinanong kami ng aming kausap, “seloso ba si James? Hindi naman ‘di ba?”

Baka naman inimbitahan ng Viva promo team si James bilang suporta nga dahil hindi naman siguro pupunta ang aktor kung walang imbitasyon at alam din naman niya ang protocol pagdating sa mga ganitong premiere night.

Anyway, umi-Indak ang panahon kasabay ng pagbagsak nang malalakas na ulan at baha sa mababang lugar sa Metro Manila kaya maagang umuuwi ang mga estudyante at empleyado na target audience ng pelikula nina Sam at Nadine.

Naniniwala kami na kung walang pag-Indak ang ulan at baha, malamang sumabay ito sa tirik ng araw.

FACT SHEET
ni Reggee Bonoan

About Reggee Bonoan

Leave a Reply

Your email address will not be published. Required fields are marked *

*

Scroll To Top