Saturday , August 17 2019
Breaking News
You are here: Home / News / P51-M shabu lumutang sa N. Samar
P51-M shabu lumutang sa N. Samar

P51-M shabu lumutang sa N. Samar

NATAGPUAN ng isang lokal na mangingisda ang higit sa P51 milyong halaga ng hinihi­nalang shabu sa karagatan ng bayan ng Biri, sa lalawigan ng Northern Samar nitong Sabado, 10 Agosto.

Nakita umano ng mangi­ngisda habang naglalayag ang mga plastic bag na nag­la­laman ng puting ‘crystalline substance’ na hinihinalang shabu.

Ayon kay P/Brig. Gen. Dionardo Carlos, direktor ng Eastern Visayas regional police, agad isinuko ng mangingisda sa mga awto­ridad ang natagpuang droga.

Nabatid na nakita ng mangingisda ang tatlong plastic bag sa karagatan ng  ng Sitio Pagul sa Barangay Pio del Pilar, sa naturang bayan na ang dalawa ay selyado at tumitim­bang ng dalawang kilo bawat isa, habang ang ikaapat na plastic bag ay bukas na at tumitimbang ng 1.5 kilo.

Tinatayang ang halaga ng kabuuang 7.5 kilo ng hinihinalang shabu ay aabot sa P51 milyon.

Ipinadala na ang sample ng hinihinalang shabu sa Crime Laboratory upang matukoy kung totoong shabu habang ang iba ay nasa pag-iingat ng mga awtoridad bilang ebidensiya.

Unang pagkakataon itong may makuhang shabu sa coastal area ng lalawigan ng Northern Samar.

Naitalang simula noong Pebrero nang nakaraang taon, ilang bloke ng cocaine ang natagpuang nakalu­tang sa mga karagatan ng Lu­zon, Visayas, at Min­danao.

Pinaniniwalaang bahagi ang mga cocaine sa karga­mentong dadalhin sana sa bansang Australian.

Ayon kay Carlos, nag­sa­sagawa na sila ng pag­sisiyasat upang matukoy ang pinagmulan ng shabu na natag­puan sa Northern Samar.

About hataw tabloid

Leave a Reply

Your email address will not be published. Required fields are marked *

*

Scroll To Top