ISANG malaking kahangalan ang eksperimento ng Metropolitan manila Development Authority (MMDA) at Land Transportation Franchising and Regulatory Board (LTFRB) sa mga provincial buses sa EDSA.
Mabuti na lamang at agad naglabas ng injunction order ang korte para tigilan ang kahangalan ng MMDA at LTFRB.
Sa maraming bansa sa buong mundo, ang pinagagaaan ng mga transportation authorities ay mass transportation system.
Kung mayroon mang private vehicles, maliit lamang ang bilang.
Pero rito sa ating bansa, only in the Philippines na parang walang inisip ang mga awtoridad kundi pahirapan ang mahihirap nating commuters.
Sino ang mga ordinaryong commuters sa ating bansa na sumasakay ng provincial buses, Metro Manila buses, LRT, MRT at iba pang sasakyang pampasahero?
Walang iba kundi ang mga kababayan natin na nagtitipid ng kanilang pasahe gaya ng mga manggagawa, simpleng empleyado, estudyante, mga guro, kawani ng gobyerno at iba pa na umaasa sa kakarampot nilang kita.
Tapos sila pa ang gustong pahirapan ng eksperimento ng MMDA at LTFRB?!
Ang kalsada gustong ibigay sa mga pribadong behikulo at ang commuters’ transportation kulang na lang ay padaanin sa iisang lane ng EDSA?!
Wattafak!
Mabuti sana kung sa mga kamoteng opisyal ng MMDA at LTFRB nagagalit ang tao, e hindi e, kay Pangulong Rodrigo Duterte sila nagagalit kasi nga nakapagtalaga ng mga pulpol na opisyal.
Mukhang ang kailangan italaga ng Pangulo sa LTFRB at MMDA ay millennials hindi gaya ng mga nakaupo riyan ngayon na mukhang wala nang mapiga sa utak nila.
Mr. President Sir, ang daming mga batang urban planners sa bansa, bakit hindi sila ang ilagay ninyo riyan sa puwestong tila ayaw nang bitawan nina Atty. Martin Delgra III at Gen. Danilo Lim?!
Kung hindi na sila nagiging epektibo, bakit hindi na lang palitan?!
Huwag nilang ikatuwiran na matagal na ang problemang ‘yan sa EDSA, ang isipin nila kung paano lulutasin ang traffic sa EDSA.
Mantakin ninyo, hanggang kahapon, tuloy pa rin ang eksperimento kahit marami na ang nagrereklamo?!
Gigil na gigil sila sa provincial buses e ilan lang naman ‘yang mga bus na ‘yan?!
At sino ang maghahatid sa commuters mula Valenzuela City at Sta. Rosa, Laguna? Hindi ba’t bus din?
Dagdag pasahe na, hindi pa sigurado na mawawala na ang traffic.
Esep-esep hoy!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap