Saturday , August 17 2019
Breaking News
You are here: Home / News / Assistant warden patay sa ambush

Assistant warden patay sa ambush

TINAMBANGAN ng dalawang nakamotorsiklong armadong suspek ang assistant warden ng National Capital Region Police Office (NCRPO) sa Parañaque City, kaha­pon ng umaga.

Namatay noon din ang biktima na kinilalang si J/SInsp. Robert Bar­quez, nasa hustong gu­lang, assistant warden sa QC Annex, Camp Bagong Diwa, Bicutan sa Taguig City, sanhi ng mga tama ng bala sa ulo at katawan buhat sa hindi pa batid na kalibre ng baril.

Inaalam ng awtoridad ang pagkakakilanlan ng dalawang lalaking salarin na nakasuot ng itim na jacket at magkaangkas sa isang itim na motorsiklo.

Base sa inisyal na imbes­tigasyon nina P/SSgt. Johnny Margate at P/SSgt. Mislang ng Para­ñaque City police, naga­nap ang pananambang at pamamaslang sa biktima sa kahabaan ng Doña Soledad malapit sa BDO, Barangay Don Bosco sa nasabing lungsod, dakong 11:00 am kahapon.

Habang minamaneho ni Barquez ang kanyang itim a Mitsubishi Expan­der, may plakang N51437 patungong Multinational, biglang sumulpot at pinag­tulungang bistayin ng bala ng dalawang motor­cycle riding-in-tandem suspects na agad ikinamatay nito.

Tumakas ang mga suspek sa hindi matukoy na direksiyon matapos ang pananambang.

Nagsasagawa ng masusing imbestigasyon at follow-up operation ang awtoridad sa nasa­bing ambush.

ni JAJA GARCIA

About Jaja Garcia

Leave a Reply

Your email address will not be published. Required fields are marked *

*

Scroll To Top