Saturday , August 17 2019
Breaking News
You are here: Home / News / Crime of passion… Ulo ni misis tinagpas matapos saksakin, at barilin ni mister

Crime of passion… Ulo ni misis tinagpas matapos saksakin, at barilin ni mister

SELOS na matindi ang hinihinalang dahilan kung bakit tinagpas ng itak ang ulo ng isang misis matapos pagsasaksakin at barilin ng sariling mister sa Quezon City kahapon ng hapon.

Kinilala ni Quezon City Police District (QCPD)  Batasan Police Station (PS6) comman­der, P/Lt. Col. Joel Villa­nueva, ang suspek na si Alejandro Baltazar, 34, walang trabaho, residente sa Abra corner Muñoz streets, Barangay Batasan Hills.

Ang biktima ay kini­lalang si Maricel Alejo.

Sa imbestigasyon, dakong 1:45 pm nang maganap ang insidente sa bahay ng mag-live-in.

Nakatanggap ng tawag ang pulisya mula sa mga opisyal ng bara­ngay na may isang lala­king armado ng baril na naglalakad sa kalsada.

Agad nagresponde sa lugar ang mga kagawad ng pulisya ngunit nang makita ni Baltazar ang mga pulis, kanyang ini-hostage ang 3-anyos na anak.

Ilang minutong tuma­gal ang negosasyon bago tuluyang sumuko ang suspek sa pulisya.

Nang inspeksiyonin ang tahanan, nakita ang katawan ni Alejo sa loob ng banyo na tadtad ng saksak sa iba’t ibang bahagi ng katawan, may tama ng bala sa katawan habang ang ulo ay nakita sa kusina. Narekober mula sa lugar ng krimen ang itak na ginamit sa pananasak at pagpugot, gayondin ang kalibre .45 baril.

ni ALMAR DANGUILAN

About Almar Danguilan

Leave a Reply

Your email address will not be published. Required fields are marked *

*

Scroll To Top