Thursday , March 28 2024

Kadiwa stores ibabalik ni Imee

NANANAWAGAN ngayon si Senador Imee Marcos kay Pangulong Rodrigo “Digong” Duterte na muling buhayin ang Kadiwa store sa Kamaynilaan para matugunan ang problema sa mataas na presyo ng mga bilihin na kinakaharap ng maliliit na mamimili at mabawasan ang antas ng kahirapan.

Ayon sa Senadora, “Kahit mura ang bigas at sinasabing mababa ang inflation, mahal pa rin ang ibang bilihin lalo ang asukal, karne at iba pa. Malaking dagok ito sa mahihirap dahil halos 60% ng gastos nila napupunta sa pagkain.”

Dahil isa ang presyo ng mga bilihin sa pangunahing concern ng mamamayan, naniniwala si Imee na bibigyang-diin ng Pangulo ang pagresolba sa isyung ito sa kanyang State of the Nation Address (SONA) ngayong Lunes ng hapon.

“Isa ang Kadiwa sa nakikita nating solusyon para matulungan ang maliliit nating mga kababayan. Sobrang mahal ng mga bilihin at malaking tulong kung bubuhayin muli ng Pangulo ang Kadiwa at ipakalat ito sa mga komunidad, partikular sa mga depressed areas,” ayon kay Imee.

Binigyang-diin ni Imee ang pag-angkat ng pamahalaan nang direkta sa mga pabrika o manufacturers pati na ang pagbili ng gulay sa mga magsasaka, isda sa mga mangingisda, at maging sa mga hog at poultry raiser.

Ayon sa Senadora, kailangan gawin ito sa sandaling tuluyang maging operational ang pagpapakalat ng Kadiwa store para hindi maabuso ng mga tiwaling traders o middleman ang mga pangunahing bilihin na ititinda sa Kadiwa.

“Kailangan umpisahan kaagad ang Kadiwa store sa Metro Manila at sa mga susunod na araw ay sa buong Filipinas na ito gawin. Siguruhin din na mayroong mabibiling NFA rice ang ating mga kababayan sa ipakakalat na Kadiwa,” pahayag ni Imee.

Idinagdag ni Imee na hindi lamang murang manok, isda, baboy, gulay at bigas ang dapat na mabibili sa Kadiwa kundi pati ang noodles na kalimitan ay pagkain sa hapag-kainan ng mahihirap na Filipino.

Nakatakdang maghain ng resolusyon si Imee sa susunod na araw na nagrerekomenda sa Pangulo na muling pagpapakalat ng Kadiwa store.

Ang konsepto ng Kadiwa ay unang ginamit sa panahon ng administrasyong Marcos, isang paraan para matugunan ang problema sa mataas na presyo ng pangunahing bilihin.

(CYNTHIA MARTIN)

About Cynthia Martin

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *