Saturday , August 17 2019
Breaking News
You are here: Home / News / 2 online tulak timbog sa P180K dahon ng marijuana
2 online tulak timbog sa P180K dahon ng marijuana

2 online tulak timbog sa P180K dahon ng marijuana

INARESTO ng mga operatiba ng Quezon  City Police District (QCPD) ang dalawang online tulak makaraang makompiskahan ng P180,000 halaga ng pinatuyong marijuana sa isinagawang buy bust operation nitong Sabado ng hapon.

Sa ulat ni P/Lt. Col. Benjie Tremor, hepe ng Kamuning Police Station (PS10), ang mga dinakip ay kinilalang sina Mark Anthony Garcia, alias Makoy, 21, binata, at resi­dente sa Ezekiel St., Brgy. Masagana, Balagtas, Bulacan, at Jhon Roper Austria, alias Noy, 20, ng  109 Rosal St., Brgy. Masagana, Balagtas, Bulacan.

Sa imbestigasyon, dakong 3:55 pm nitong Sabado nang isagawa ang buy bust operation ng Kamuning Police Station (PS10) na pinangunahan nina P/Cpls. Jun Ariola at Edilyn Gundran laban sa mga suspek sa harap ng SM Annex sa Brgy. Sto Kristo, Quezon City.

Nauna rito, sinubay­bayan ng pulisya ang mga suspek nang maka­tanggap ng impormasyon na nagbebenta ang dala­wa ng droga sa social media at nang mag-positibo ay saka ikinasa ang operasyon.

Nakompiska sa dala­wa ang isa’t kalahating kilo ng bloke-blokeng marijuana na nagkaka­halaga ng P180,000, P22,000 cash, at P19,000 boodle money na ginamit sa buy bust. (ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top