Saturday , August 17 2019
Breaking News
You are here: Home / Showbiz / Jane De Leon, ang bagong Darna
Jane De Leon, ang bagong Darna

Jane De Leon, ang bagong Darna

MARAMING MARAMING SALAMAT PO SA TIWALA!  #Narda #DARNA #SOON.” Ito ang simpleng caption na may picture niya ang naka-post sa Instagram ni Jane De Leon kahapon, ang bagong Darna.

Matapos ang ilang buwang paghahanap at panghuhula kung sino nga ba ang papalit at gaganap naDarna matapos mag-back-out ni Liza Soberano dahil sa aksidente, si Jane ang napili ng Star Cinema para gumanap na superhero.

Sino nga ba si Jane? Ayon sa article ng abscbn.news.com si Jane ay si Jane Florence Benitez De Leon sa tunay na buhay, 20, at isang Star Magic artist na nakalabas na sa maraming programa ngABS-CBN tulad ng Maaalaala Mo Kaya, Wansapanataym, Ipaglaban Mo, at La Luna Sangre.

Siya rin iyong gumanap na nakababatang kapatid ni Jericho Rosales, si Maggie, sa Halik.

Naging parte rin si Jane ng mga pelikulang The Debutantes (2017) at  Walwal (2018).

Dati siyang miyembro ng  all-female group na Girltrends ng Its Showtime bago siya nag-solo.

Kahapon ng tanghali, inanunsiyo ng ABS-CBN na nahanap na nila ang gaganap na Darna.

Ayon kay  ABS-CBN Films’ managing director Olivia Lamasan”Ipinresinta na si Jane sa amin a couple of years ago, and among all the 13 noon na Mr. M (Johnny Manahan) presented from Star Magic, natatandaan ng isang talent handler na ‘Inang. napansin mo na siya noon, itong batang ito pwedeng sumali ng beauty pageants. And then I saw her again in ‘Halik.’ Sabi ko, ‘itong batang to, mayroon.’ There’s something about her.”

Hindi lang pala si Inang Olive ang nakapansin kay Jane, maging ang director ng Darna na si Jerrold Tarog, si Jane rin ang napusuan.

Ani Tarog, an instinctive actress si Jane.

Kaya masasabing pareho ng napili sina Inang Olive at Direk Jerrold.

“A unanimous decision,” sambit ni Inang Olive, ayon sa interbyu ng website ng Kapamilya Network.

“Natuwa nga ako na isa siya sa mga nag-audition. Sabi ko ay there’s something about her. Pati si Direk Lauren (Dyogi) said there’s something about her. Bilang filmmakers, may nakikita kami.

“Malakas ang instinct ng bata.

“’Yung Darna story natin ngayon is a genesis story, a coming of age. Ang requirement talaga is somebody na young and with an air of innocence but at the same time a strength of character.”

Sinasabing mahigit 300 celebrities ang nag-audition, ito’y mula sa Star Magic at Starhunt para sa iconic role.

SHOWBIZ KONEK
ni Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top