Tuesday , March 19 2024

Manila Zoo hindi namin ibebenta — Mayor Isko

BUKOD sa pagpunta sa Rizal Park, o Luneta, ang pinakamurang paraan ng pamamasyal at mapalapit sa kalikasan ay pagdalaw sa Manila Zoo sa panu­lukan ng Quirino Avenue at Adriatico Street sa Malate, Maynila.

Ngunit kamakailan, may mga planong ilipat ito o ipasara sa maraming dahilan.

Isa na rito ang para sa kapakanan ng mga hayop na naninirahan sa 60-anyos na dating zoological at botanical garden, na ayon sa mga animal expert ay nahihirapan na dahil sa pagkakakulong sa mga hawla, na hindi na isinu­sunod sa mga modernong zoo.

Ito’y bukod pa sa problema sa polusyon, kabilang ang pagkaka­diskubre na ang kanal at daluyan ng mga tubig sa zoo ay hindi napa­nga­lagaan nang mabuti sa nakalipas na anim na dekada.

Sa panahon ni Manila mayor Joseph ‘Erap’ Estrada, may mga balitang ipalilipat ang zoo, saka ibebenta ang maiiwan nitong lupain.

Nagbunsod ito ng agam-agam sa mga resi­dente ng Kalakhang May­nila, na sa mahabang panahon ay itinuring ang Manila Zoo bilang pangu­nahing destinasyon para sa pamamasyal kasa­ma ang kanilang pamilya at mga kaibigan.

Ngunit ngayong may bago nang alkalde sa katauhan ni dating vice mayor Francisco ‘Isko Moreno’ Domagoso bilang punong ehekutibo ng lungsod, sadyang luminaw na ang situwasyon sa pangako na hindi ibebenta ang Manila Zoo at sa halip ay may plano pang ayusin at pagandahin ang pasili­dad para sa kapakanan ng mga taga-Maynila at ma­ging ng mga mamamayan mula sa iba’t ibang lugar na nagpupunta rito.

Sa Kapihan sa Manila Bay media forum, tiniyak ng bagong alkalde sa mga Manilenyo na wala silang dapat pangambahan dahil ang kanyang pamunuan ay nakalaan sa tunay na paglilingkod sa publiko.

Hiniling niya sa mga stakeholder na dumalaw sa kanyang tanggapan para mapag-usapan ang kinabukasan, hindi lamang ng Manila Zoo, kundi maging ng buong siyudad ng Maynila.

“Kailangan ko ng tulong ninyo upang maisaayos ang Manila Zoo (at ang buong lungsod). Panahon na para pagtuunan natin ng pansin na maibalik ang ningning ng Maynila bilang ‘Perlas ng Silangan’ at duyan ng ating bayaning si Raha Soliman, ang huling haring Filipino na ipinaglaban ang ating kalayaan,” idiniin ni Moreno.

Sa ngayon, nananatili ang Manila Zoo na nakasara simula noong Enero ng taong kasalu­kuyan sanhi ng pagka­kadiskubre na isa umano ito sa major pollutant ng Manila Bay.

 (TRACY CABRERA)

About Tracy Cabrera

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *