Monday , August 26 2019
Breaking News
You are here: Home / News / Retiradong transport manager todas sa ambush
Retiradong transport manager todas sa ambush

Retiradong transport manager todas sa ambush

ISANG tama ng bala ng baril sa dibdib ang tumapos sa buhay ng 63-anyos transport manager makaraan barilin ng hindi kilalang suspek, sakay ng motorsiklo, habang nagmamaneho ng Honda CRV kahapon  ng umaga sa Makati City.

Patay noon din sa pinangyarihan, ang bikti­mang si Jesus De Guzman Dimayuga, residente sa Bonifacio St., sa Barangay Bangkal ng nasabing lungsod, at sinabing dating konek­tado sa mga trans­por­tasyon sa Ninoy Aquino International Airport (NAIA).

Ayon kay P/Maj. Gideon Ines, hepe ng Investigation Detective & Management Branch (IDMB) ng Makati City Police, nangyari ang pama­maril sa Osmena Hi-way  malapit sa Cail­les St., dakong 8:25 am.

Agad tumakas ang suspek nang makitang du­gu­an ang biktima sakay ng motorsiklo na nakasuot ng jacket na kulay olive green at naka­suot ng puting helmet.

Ayon kay Ines, nang­galing ang biktima kasa­ma ang misis na si Ramo­na sa simbahan at habang minamaneho ni Dima­yuga ang kanilang sasak­yang Honda CRV, may plakang XGZ 906 sa Osmena Hi-way paliko sa Cailles St., biglang sumul­pot  ang motorsiklong walang plaka lulan ang suspek na agad binaril si Dimayuga.

Pahayag ng asawa ng biktima kay Ines, walang kaaway ang kanyang asawa, mabait at isang lay minister sa simbahan.

Sa ngayon ay patuloy na iniimbestigahan ang naturang kaso.

(JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top