Saturday , December 14 2019
Breaking News
You are here: Home / News / Laborer pisak sa bumagsak na steel pulley

Laborer pisak sa bumagsak na steel pulley

PISAK ang isang construction worker matapos madaganan ng kumalas na steel pulley ng isang crane sa isang construction site sa Sampaloc, May­nila.

Kinilala ang biktima na si Marcoso John Eric Ludor, 23 anyos.

Nabatid, 11:00 am nang mangyari ang insidente sa ginagawang condominium building na aabot sa 30 palapag sa kanto ng mga kalyeng P. Margal St., at Dos Cas­tillas, sa Sampaloc, May­nila.

Nasa ibaba umano ang biktima nang kumalas ang steel pulley ng crane na bumubuhat ng mga kagamitan para sa constructioan nang mabagsakan ang laborer.

Pagbagsak ng steel pulley, tumilapon ang biktima at sumuot sa mga nakatambak na bakal.

Samantala, nag­pada­la ng tauhan ang Depart­ment of Labor and Employment (DOLE) upang mag-inspeksyon sa naturang construction site.

Ayon kay Labor ASec. Joji Aragon, inatasan siya ni Labor Secretary Silves­tro Bello III na imbes­tigahan ang insidente at kunin ang mga impo­r­masyon sa biktima upang mabigyan ng  ayuda.

Hinihintay na rin ang safety officer ng labor department na mag-iinspeksyon sa buong con­struction site ng Momen­tum Construction and Development Cor­po­ration sa nasabing lugar.

HATAW News Team

About hataw tabloid

Leave a Reply

Your email address will not be published. Required fields are marked *

*

Scroll To Top