Thursday , February 20 2020
Breaking News
You are here: Home / News / Estudyante 1 pa sugatan sa gang war
Estudyante 1 pa sugatan sa gang war

Estudyante 1 pa sugatan sa gang war

DALAWA ang sugatan, kabilang ang isang 15-anyos babaeng estu­dyante nang tamaan ng bala sa naganap na sagupaan ng dalawang magkalabang grupo sa Caloocan city, kama­kalawa ng gabi.

Ginagamot sa Mani­la Central University (MCU) hospital sanhi ng tama ng bala sa katawan si Cristina Pauline ng Pag-asa St., Payatas, Brgy. 147, at Arthur Aten­cio, 18 anyos, ng Narra Alley, kapwa sa Bagong Barrio.

Pinaghahanap ng mga tauhan ng Caloocan Police Community Pre­cinct (PCP) 1 upang maaresto ang suspek sa pagpaputok ng baril na kinilalang alyas Mara­villa, 19, taga-Kapa­yapaan St., Brgy. 150, mabilis na tumakas matapos ang insidente.

Dakong 10:20 pm nang magkaroon ng sagupaan ang dalawang magkalabang grupo sa kahabaan ng Milagrosa St., Brgy. 149, Bagong Barrio at sa gitna ng sagupaan, nagpaputok ng baril si Maravilla at tinamaan sa katawan ang mga biktima.

Inaalam ng pulisya kung ang dalawang mag­kaaway na grupo, na kaanib si Maravilla, ay grupo ng Sawako at Demon Gangs na pa­wang nasangkot sa kaso ng pamamaslang, ilang taon na ang nakararaan sa nasabing lugar.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top