Wednesday , September 18 2019
Breaking News
You are here: Home / News / American sweethearts hinoldap sa Pasay
American sweethearts hinoldap sa Pasay

American sweethearts hinoldap sa Pasay

HINOLDAP ang magka­sintahan na American nationals at tinutukan ng patalim ng hindi kilalang rider kahapon ng mada­ling araw sa Pasay City.

Nanlulumong nagtu­ngo sa tanggapan ng Station Investigation and Detective Management Branch (SIDMB) ng Pasay City Police ang mga biktimang sina Liam Dickhardt, 20, ng Break­water Way, Oxnard, California, at ang nobya nitong si Jewel Miller, pawang estudyante para ipaalam ang nangyaring pagholdap sa kanila.

Ayon kay Pasay city police chief P/Col. Ber­nard Yang, nangyari ang holdap sa NAIA Ter­minal 4, Domestic Road, Barangay 191, ng lungsod dakong 2:20 am.

Sinabi ni Yang, nagla­lakad ang magkasintahan sa nabanggit na lugar nang biglang sumulpot ang isang motorsiklo na walang plaka sakay ang isang lalaki.

Tumigil sa kanilang harap ang motorsiklo at agad nagpahayag ng holdap sabay tutok ng patalim na ikinagulat ng dalawang biktima.

Dahil sa nerbiyos at takot ng magkasintahan ibinigay ang backpack na pilit na hiningi ng suspek na naglalaman ng pass­port ng dalawa, black iPhone, sunglasses, P10,000 cash at US$200.

Nang makulimbat ang pakay sa dalawang biktima agad pinaharurot ang  motorsiklo patungo sa direksyon ng Park and Fly sa MIA Road.

Inilarawan ang lala­king suspek na sakay ng itim na motorsiklo, naka­suot ng itim na helmet, dark color T-shirt at shorts.

Agad nagkasa ng follow-up operations sina S/Sgt. Michael Mendoza, P/Cpl. Rogelio Luma­bao, at Pat Kacson Obando ngunit nabigong maaresto ang suspek. Sinusuri ng mga pulis ang nakalagay na close circuit television (CCTV) camera kung nahagip ang panghohol­dap ng suspek sa magka­sintahan.

(J. GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top