Monday , August 26 2019
Breaking News
You are here: Home / News / ‘Cover-up’ sa Customs ibinuking

‘Cover-up’ sa Customs ibinuking

IBINUNYAG ni Bureau of Customs (BoC) district collector, Atty. Erastus Sandino Austria na patuloy pa rin ang sindi­kato sa loob ng ahensiya, sa kabila ng pagpu­pur­sigi ng Duterte admi­nistration na ito’y linisin.

Sa pulong balitaan sa Quezon City, sinabi ni Austria, isa sa patunay ang ginawang ‘cover-up’ sa P1-bilyong halaga ng ‘Tapioca shipment’ na nakalabas ng daungan at nakarating sa isang warehouse sa Malabon City noong 24 Mayo 2019.

Anang opisyal, naka­rating ang shipment na may lamang shabu, nagkakahalaga ng P1 bilyon, sa Malabon maka­raang isubasta ng BoC sa publiko.

Aniya, kataka-taka na nakalusot ito sa ka­may ng customs officials at PDEA na kalaunan ay gumawa ng statement na isa itong ‘controlled ship­ment’ at bahagi ng isang entrapment operation.

Naging depensa ng BoC at PDEA na sadyang ipinasubasta ang ship­ment para madaling makilala at matunton ang drug smugglers at sa pamamagitan ng bidding ay madaling madakip sa entrapment operation.

Nagpalabas umano ang BoC ng statement na nagsasabing ang opisina ni Austria, noo’y taga­pagsalita ng Kagawaran, ang naglabas ng pahayag kaugnay sa pakay na pag­pa­pasubasta sa ‘Tapioca shipment.’

Mariing tinutulan ni Austria ang pagpa­pa­labas ng statement dahil batid niya na ang lahat ay ‘fabricated.’

Sinabi ni Austria, kanya niyang pinaala­lahanan si Commissioner Rey Guerrero na kuwes­tiyonable ang ‘Tapioca shipment’ na pinayagan ng ahensiya para isubas­ta.

Dagdag ni Austria, sa kabila ng kanyang pagtu­tol sa statement ay ipi­nag-utos rin ni Guerrero sa staff ni Aus­tria na ilabas ang state­ment hing­gil sa planong subasta.

Kaugnay nito, isini­walat ni Austria na isang “Del Rosario Group” ang isa sa sindikato na guma­galaw sa BoC.

Sa kabila nito ipinag­malaki pa rin ni Austria na tumaas ang revenue collection ng ahensiya sa panahon ni Pangulong Rodrigo Duterte.

(ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top