Saturday , March 30 2024

Sa karera para sa House Speaker… Cayetano desperado

DESPERADO na si Taguig Rep. Alan Peter Cayetano sa kanyang kampanyang maging House speaker dahil hindi siya iniendosong maging ng kanyang sariling partido – ang Nacionalista Party (NP).

Ito ang ibinunyag kahapon ni Surigao del Sur Rep. Johnny Pimentel sa radio interview sa kanya ni Ms. Divine Reyes ng DZBB.

“Si Congressman Cayetano po is from NP but even NP, kahit na tawagan ho ninyo si Senator (Cynthia) Villar, ay hindi pa ho nagre-release ng statement that they are endorsing Congress­man Cayetano,” ani Pimentel.

Kabaligtaran ng ma­sa­mang kapalaran ni Cayetano ang nakuku­hang suporta ni Marin­duque Rep. Lord Allan Velasco na umaabot ang numero sa 180 hanggang 200 dahil sa pag-aalyan­sa ng Partido Demo­kratiko Pilipino–Lakas ng Bayan (PDP-Laban), Nationalist People’s Coalition (NPC), Party-list Coalition, Northern Alliance, at ibang inde­pendent congressmen, ayon sa kinatawan ng Surigao del Sur.

Kanyang iginiit ang multi-party support para kay Velasco ay awto­risado at may clearance mula sa mga partido.

Sinabi ni Pimentel, ang mga numero ni Velasco ang dahilan kung bakit patuloy na inihihirit ni Cayetano hanggang ngayon ang term sharing.

“Sa tingin ko po, iginigiit ni Congressman Cayetano ‘yan (term sharing) kasi he can see that Congressman Velas­co already has the num­bers,” aniya.

Inilinaw din ng mam­babatas na hindi umatras ang Marinduque repre­sentative sa ipinag­pi­pilitan ni Cayetano na term-sharing agreement dahil wala naman daw talagang napagka­sun­duan ang magkakaribal para sa posisyon at pi­nag­lipasan na rin ito ng panahon dahil iba na ang sinasabi ngayon ni Pre­sidente Rodrigo Duterte kaugnay ng karera para sa susunod na House speaker.

“Ang last na sinabi ni Presidente, mga kaibigan kong lahat ang mga kandidato, labo-labo na lang sila,” ani Pimentel.

Huli itong sinabi ng Pangulo sa isang oath taking event sa Palasyo nitong Biyernes.

Dagdag niya, simu­la’t simula’y klaro raw na sinasabi ni Presidente Duterte na hindi siya manghihimasok sa bak­bakan para sa susunod na lider ng Mababang Kapu­lungan ng Kongreso.

HATAW News Team

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *