Friday , March 29 2024

VP Leni kasangga ng mangingisdang Pinoy vs China

SAN JOSE, OCCIDEN­TAL MINDORO — Sa gitna ng pangmamaliit ng administrasyong Duterte sa pagbangga ng isang Chinese vessel sa kanilang bangka, nakahanap ng kasangga ang mga ma­ngingisdang Filipino kay Vice President Leni Robredo.

Sa kaniyang pagda­law sa bayan ng San Jose, Occidental Mindoro, nitong Biyernes, 21 Hun­yo, nakausap ni Robredo ang mga mangingisdang lulan ng F/B Gem-Ver, na lumubog kamakailan sa Recto Bank, isang bahagi ng West Philippine Sea.

Bagamat sa una ay halata ang pagod at tila pag-aalinlangan ng mga mangingisda, kalaunan ay gumaan rin ang ka­nilang loob sa Bise Pre­sidente, na kinuwentohan nila tungkol sa kanilang pinagdaanan: mula sa paglubog ng bangka nila dahil sa pagbangga, at pang-iiwan ng crew ng Chinese vessel na nag­dulot ng pinsala, hang­gang sa paghingi ng tulong sa isang Viet­namese vessel na malapit sa pinangyarihan ng insi­dente.

Sunod sa layon ng kaniyang pagbisita, ipi­naabot ni Robredo sa mga mangingisda ang kaniyang pakikiisa.

Aniya, handa ang ka­niyang opisina na tulu­ngan sila at ang pamil­yang may-ari ng bangka sa kanilang muling pag­bangon, lalo pa’t ang bangkang nasira ang inaasahan nilang lahat para sa kanilang kabu­hayan.

Sa kabila ng mabigat na pinagdaraanan, tila mas nakapalagayan ng loob ng mga mangingisda si Robredo, na nauna nang nagsabi na dapat pana­gutin ang crew ng Chinese vessel na bumangga sa bangka ng mga Filipino.

Marami ang naka­pansin na malaki ang pagkakaiba ng pakiki­tungo ng Bise Presidente sa mga mangingisda kompara sa pagharap sa kanila ng mga miyembro ng administrasyong Du­ter­te, tulad nina Agri­culture Secretary Manny Piñol at Energy Secretary Alfonso Cusi.

Matatandaang sinabi ni Cusi, ‘daplis’ lang ang sinapit ng bangka ng mga Filipino, habang idiniin naman ni Piñol na aksi­dente lang ang nangyari at mismong si Pangulong Duterte ay itinuturing na ito ay ‘maliit’ lamang na maritime incident.

Bukod sa dialogo sa mga mangingisda, binisi­ta rin ni Robredo ang bahay ng kapitan ng bang­ka na si Junel In­signe, na malugod siyang sinalubong ng asawa nitong si Lanie at ng kanilang mga anak.

Dala ng Bise Pre­sidente ang tulong pinan­siyal na P50,000 para sa bawat mangingisda, na bigay ng isa sa mga partners ng kaniyang opisina sa ilalim ng Angat Buhay program.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *