Thursday , March 28 2024

GMA executives, no-show sa mahalagang okasyon

MAY nagbalita sa amin na mid-week o kalagitnaan ng isang nakaraang linggo ay nagdaos ng media conference ang GMA para sa isa nitong upcoming program.

Kung karaniwan daw na present lahat ang mga ehekutibo ng estasyon sa ganitong kahalagang okasyon, ni isa raw sa kanila’y no-show doon.

“Baka naman may importante silang meeting?” sagot naman namin sa aming kausap sa telepono.

Makahulugang tawa lang ang itinugon nito, sabay pagkokorek sa amin ng umano’y tunay na dahilan kung bakit wala ang presensiya ng mga GMA bosses.

“Ano bang okasyon ‘yon, ‘di ba, mediacon?” panimula nito. Obviously nga naman ay working press ang attendees, idagdag pa ang sandamakmak na bloggers na mas marami pa yata ang bilang sa tulad ng inyong lingkod mula sa print media.

Ginanap ang mediacon after June 8. Ito ang petsa kung kailan natalisod si Eddie Garcia habang nagte-taping ng Rosang Agimat ng GMA somewhere in Tondo, Manila.

“So, nagets mo na?” ganting tanong ng aming kausap.

Only then did he make us realize na kaya raw pala ni isang big boss was present at the mediacon ay dahil umiiwas daw itong putaktihin ng mga press attendee tungkol sa nasabing insidente.

Bagama’t nag-isyu na ng official statement ang GMA sa pamamagitan ng CorpComm department nito shortly after the incident, siyempre nga naman ay nais malaman ng press ang latest updates.

Kung totoo man ang ibinalitang ito ng aming source, marahil ay humahanap pa ang mga GMA executive ng proper timing. Hindi naman madaling umupo sa “hot seat” o nakapuwesto sa receiving end.

Maselan ang kalagayan ng 92-anyos na beteranong director kung paanong tensiyonado rin ang pamunuan ng GMA.

Kumbaga, it’s not easy as it seems lalo pa’t anumang pahayag ang ilabas ng GMA needs to be legally approved.

Sa bandang huli, walang may gustong mangyari ang ganoon bagama’t naiwasan sana. Ayon nga sa aming kausap, maanong binalutan daw ng plastic ang kable na siyang nakatisod kay Tito Eddie.

Nawa’t magsilbing precedent na ito sa mga future taping, hindi lang ng GMA kundi maging sa ABS-CBN. Isama na rin ang mga film company.

Still we maintain our belief na ang “pananahimik” ng kung sinuman o anumang entity sa mga ganitong pangyayari ay lalo lang malalambungan ng pagdududa.

HOT, AW!
ni Ronnie Carrasco III

About Ronnie Carrasco III

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *