Thursday , October 17 2019
Breaking News
You are here: Home / Showbiz / Pelikulang Feelennial nina Ai Ai at Bayani, patok sa moviegoers!
Pelikulang Feelennial nina Ai Ai at Bayani, patok sa moviegoers!

Pelikulang Feelennial nina Ai Ai at Bayani, patok sa moviegoers!

PUNONG-PUNO ng mga celebrity, VIP, at fans ang premiere night ng pelikulang Feelennial (Feeling Millenials) last Monday sa Cinema 4 ng Megamall at napuno rin ng maya’t mayang tawanan ang sinehan sa mga pakuwela ng mga bida ritong sina Ai Ai delas Alas at Bayani Agbayani.

Super-aliw ang pelikula at positibo ang feedback ng mga nanood ng premiere night, lalo sa mga kasamahan sa panulat. Grabe kasi ang chemistry dito nina Ai Ai at Bayani. Sabi nga ng mga katoto sa entertainment media, ngayon lang sila ulit nakapanood ng pelikula na mula umpisa hanggang ending ay tumatawa sila nang todo. Havey talaga ang tandem nina Bayani at Ai Ai!

Tama ang sabi sa amin ni Bayani, bukod sa riot sa katata­wanan ang kanilang pelikula at pampa-good vibes talaga ang pelikulang Feelennial, ay kapu­pulutan pa ng aral dahil pampa­milya ang tema nito.

Anyway, impressive ang mga shots ng pelikula na gumamit ng drone, pati magagan­dang bahay, kotse, at location ay makikita sa movie dahil mga bigtime at mayaman sina Ai Ai at Bayani sa pelikulang ito.

Sa kabuuan, bukod sa galing nina Ai Ai at Bayani, dapat bigyan ng credit ang director nitong si Rechie del Carmen dahil nabuo niya nang maayos ang isang comedy movie na may kawawaan.

Showing na ngayong June 19, Wednesday ang pelikula at wish namin na sana ay sumugod sa mga sinehan ang maraming tao dahil hindi masasayang ang kanilang pera at panahon sa panonood nito. At para naman makabawi ang ating local movie industry.

Ang pelikula ay mula sa Cignal Entertainment at DSL Productions ni Pops Fernandez. Kaya si Pops ay may special participation dito. At bukod kay Pops, ang ex-husband niyang si Martin Nievera, pati na ang Eat Bulaga Dabarkads na si Paolo Ballesteros ay may cameo roles sa movie.

Kasama rin nila sa cast sina Nar Cabico (Dua), Ina Feleo (Tahoma), Nicole Donesa (Cambria), Jelai Andres (Aerial), Nicole Donesa (Cambria), Sofia delas Alas (Sophia), Skelly Skelly (Dope), Micah Muñoz (Shanty), Arvic Tan (Nico), at Raffy Roque  (Efril).

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top