Saturday , July 20 2019
Breaking News
You are here: Home / News / SONA ni Duterte inihahanda, 3 pre-sona kasado na
SONA ni Duterte inihahanda, 3 pre-sona kasado na

SONA ni Duterte inihahanda, 3 pre-sona kasado na

NAGHAHANDA na ang Malacañang para sa nalalapit na state of the nation address (SONA) ni Pangulong Rodrigo Du­ter­te sa susunod na buwan.

Sinabi ni Cabinet Secretary Karlo Nograles, itinakda nila ang tatlong magkakasunod na ling­gong pre-SONA forum.

Ito ang pag-iikot ng mga miyembro ng gabi­nete sa iba’t ibang rehiyon sa bansa para ipaliwanag at ilatag sa mga tao ang mga nagawang accom­plish­ments ng adminis­trasyong Duterte.

Gaganapin aniya ang unang pre-sona forum sa 01 Hulyo sa PICC na pangungunahan ng eco­nomic development and infrastructure clusters nina Finance Secretary Carlos Dominguez at DPWH Mark Villar.

Sa Cebu naman gagawin ang ikalawang pre-SONA forum  sa 10 Hulyo na pangungu­nahan ng participatory governance, human develop­ment and pro­verty reduction clusters na pinamumunuan ni DILG Secretary Eduardo Año.

Ang ikatlong pre-SONA forum ay gagawin sa Davao sa 17 Hulyo ng climate change cluster at security, justice and peace cluster nina Environment Secretary Roy Cimatu at  Defense Secretary Delfin Loren­zana.

Ito ang ikalawang beses na nagsagawa ng tatlong araw na  pre-SONA forum ang go­byerno, una ay noong nakaraang taon na ginanap sa Metro Manila.

(ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top