Thursday , October 17 2019
Breaking News
You are here: Home / News / Negosyante nakaligtas sa ambush
Negosyante nakaligtas sa ambush

Negosyante nakaligtas sa ambush

HIMALANG nakaligtas mula sa tiyak na kama­tayan ang isang lalaking negosyante na tinam­bangan at pinagbabaril ng riding in tandem sa Tondo, Maynila, habang papauwi, kahapon.

Pinsalang fracture sa magkabilang kamay ang nakadale sa biktimang si Ricardo Papa, 45, nego­syante at residente sa Tandang Sora, Quezon City, na nilapatan ng lunas sa Mary Johnston Hospital.

Nakatakas naman ang mga suspek na inila­rawang kapwa nakasuot ng puting T-shirt, itim na short pants, at helmet.

Sa ulat ng Manila Police District (MPD) Moriones Police Station 2 (PS-2), dakong 7:40 pm, 14 Hunyo nang maganap ang insidente sa Pier 2, IBP Road, Tondo, habang sakay ang biktima ng kanyang itim na Nissan Narvana.

Ayon kay P/Cpl. Richard Panaga, may hawak ng kaso, pauwi ang biktima at papalabas sa compound ng kanyang opisina, nang biglang harangin ng mga suspek at agad pinagbabaril, saka mabilis na nagsita­kas.

Agad naka­pagres­ponde ang mga tauhan ng Delpan Police Com­mu­nity Precinct (PCP) at isinugod sa Mary John­s­ton Hospital ang biktima upang mala­patan ng lunas ang fracture sa magkabilang kamay.

Masusing iniimbes­tigahan ng mga awtori­dad ang insidente upang matukoy motibo ng pamamaril.

About hataw tabloid

Leave a Reply

Your email address will not be published. Required fields are marked *

*

Scroll To Top