Saturday , July 20 2019
Breaking News
You are here: Home / News / 4 notoryus na karnaper, bumulagta sa Pampanga
4 notoryus na karnaper, bumulagta sa Pampanga

4 notoryus na karnaper, bumulagta sa Pampanga

APALIT, PAMPANGA – Dead on the spot ang apat na miyembro ng kilabot na robbery holdup gang na sinasabing sangkot sa serye ng nakawan sa lalawigang ito makaraang makipag­barilan sa  pinagsanib na puwersa ng Apalit Police at 2nd PMFC Patrol, sa Sitio Dudurot-Paligue, Barangay Colgante, sa bayan ng Apalit kamakalawa nang madaling araw.

Nabatid sa isinumiteng ulat ni P/Lt. Col. Elmer Dece­na, hepe ng Apalit Police, sa tanggapan ni P/Col. Jean Fajardo, Pampanga Police Provincial director, napas­lang sa armed encounter ang apat na suspek na kinilalang sina Hernandez Monico Bermunda, 32 anyos, ng Baguio City, Benguet; Ayomen Joeyboy, 20 anyos ng Mountain Province; at ang magkapatid na Nicson Binaliw, 30 anyos, at Jayson Binaliw, parehong taga-Mines View, Baguio City.

Base sa pagsisiyasat ni P/SSgt. Marlon Agad, nagsa­sagawa ng checkpoint  sina P/Lt. Col. Elmer J. Decena, isang concerned citizen ang tumawag na may apat na armadong  lalaki na pawang  nakasuot ng bonnet na mabilis na tumakas matapos pasukin at holdapin ang Alfamart Convenience Store sa Sitio Sampaga, sakay ng pulang Toyota Innova na may plakang NCF 409 papuntang Sitio Dudurot.

Agad tinawagan ni P/Lt. Col. Decena si P/Lt. Col. John Clark, Force Commander ng 2nd PMFC Patrol na mag­sagawa ng hot pursuit operation na noon ay nagsasagawa naman ng Oplan Rody sa Sitio Cal­dera, Sulipan, sa bayan din ng Apalit.

Na-corner agad nila ang mga suspek na nagre­sulta ng armed confron­tation dahil biglang nagpa­putok ang mga suspek kaya gumanti ng putok ang mga pulis na nanging sanhi ng pagkaka­sawi ng mga suspek.

Nakuha sa mga sus­pek ang isang pulang Toyota Innova, dalawang kalibre .45 baril, isang caliber 9mm pistol at hindi pa malamang halaga ng pera na kanilang ninakaw.

(LEONY AREVALO)

About Leony Arevalo

Leave a Reply

Your email address will not be published. Required fields are marked *

*

Scroll To Top