Friday , March 29 2024

Romero tila nabastos sa papogi ni PBA Partylist Rep. Jericho Nograles

PRESIDENTE si 1Pacman Partylist Rep. Mikee Romero ng Partylist Coalition Foundation Inc. (PCFI), o ang samahan ng mga party-list sa Kamara, kaya nakapagtataka na isang press release ang ipinalabas sa tanggapan ni PBA Partylist Rep. Jericho Nograles na nagsasabing dalawa na lamang ang pinagpipilian ng koalisyon para sa House Speakership — sa pagitan umano nina Leyte Rep. Martin Romualdez at Marinduque Rep. Lord Allan Velasco.

Walang mali kung sabihin man agad ni Nograles ang napili ng kanilang koalisyon pero ang mali ay itinanggi ito mismo ni Romero.

Nagmukha tuloy na alam na ni Nograles na dalawa na lang ang kanilang pinagpipilian sa Speakership gayong ang sagot naman ni Romero ay hindi pa sila nagpupulong ukol dito, sa katunayan umano ay sa susunud na Linggo pa ito tatalakayin.

Ano ang ibig sabihin nito?

May alam ba si Nograles na hindi alam ni Romero gayong siya ang Pesidente ng PCFI? O nagpapapogi lang si Nograles kina Velasco at Romualdez?

Anoman ang dahilan ni Nograles mali na unahan niya ang kanyang mga ka-partylist, gayong wala pa silang meeting. Lumabas tuloy na fake news ang press release ni Nograles kasi kinontra ito ni Romero.

Patuloy ang ugong ng vote buying sa Speakership at hindi mamatay-matay na pino­pondohan ng isang business tycoon ang kan­didatura ni Velasco.

Sa umpisa pa lang ay makikita na ang suporta ng negosyante kay Velasco, nabatid na nang magkaroon ng session break ang Kamara nitong Mayo, namigay ng cellphone at loot bags si Velasco sa mga kapwa mambabatas, na tila pahiwatig ng kanyang pagtakbo sa Speakership.

Ang business tycoon ang sinasabing key player sa House Speakership race ni Velasco na ang asawa na si  Gwen ay tinuturing na anak-anakan ng kanyang ‘sponsor’ at siya rin nagma-manage ng ilang negosyo nito.

Tinukoy din ang tycoon na may ‘bid’ sa 53% o nasa P1.59T sa P3T halaga ng major infrastracture projects sa Build Build Build Program kabilang dito ang P735-B airport sa Bulacan; P338.8-B Manila Bay Integrated Flood Control, Coastal Defense and Expressway Project, at P554-B Expansion ng Metro Manila Skyway and the South Luzon Expressway(SLEX). 

Bukod sa apat na Major Public Private Partnership Projects sa ilalim noon ng Aquino administration, naging proyekto din ng tycoon ang SLEX at TPLEX toll road projects, NAIA runway expansion at multibillion Bulacan Water project. 

Maging ilang political analyst ay nangangamba sa magiging impluwensiya ng tycoon sa Kamara sa oras na si Velasco ang maging House Speaker dahil tiyak na mapoproteksiyonan ang interes niya, kasama rito ang hindi pagbabayad ng malaking pagkakautang sa state owned Power Sector Asset and Liabilities Management (PSALM).

Matagal na umanong sinisingil ang tycoon sa malaking pagkakautang ngunit nagawa niyang makakuha ng injunction sa Korte kaya naantala ang pagbabayad.

Matatandaan na ang mga negosyanteng sina Lucio Tan at Roberto Ongpin ay nagbayad ng kanilang utang sa buwis sa gobyerno ngunit tanging ang tycoon, ang negosyanteng may malaking utang ang hanggang ngayon ay nakaliligtas, paano na lamang kung nakasandal na siya sa susunod na House Speaker?

Arayko!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *