Sunday , February 23 2020
Breaking News
You are here: Home / Showbiz / Jerome, Barbie, at Jane, pinalakpakan sa Finding You
Jerome, Barbie, at Jane, pinalakpakan sa Finding You

Jerome, Barbie, at Jane, pinalakpakan sa Finding You

MASAYA ang lahat ng
lumabas sa
isinagawang premiere night ng Finding You ng Regal Entertainment Inc., sa Cinema 7 ng SM Megamall noong Lunes ng gabi dahil feel good movie at sabi nga’y cute na istorya ng pelikulang pinagbibidahan nina Jerome Ponce, Barbie Imperial, at Jane Oineza.
Ukol sa isang binatang maysakit na hyperthymesia ang ginagampanan ni Jerome. Ito ‘yung sakit na kabaligtaran ng amnesia. Kung paanong lahat ng bagay ay hindi niya nakalilimutan subalit may isang mahalagang pangyayari ang hindi niya maalala.
Graded B ang pelikulang ito ng Cinema Evaluation Board na palabas na ngayon sa mga sinehan.
Bago ang premiere night, sinabihan kami ni Jerome na panoorin ang pelikula dahil maganda ang istorya. At tunay nga, dahil kahit first directorial job ito ni Easy Ferrer, maayos ang pagkakalahad ng istorya gayundin ang pagkakadirehe niya. At siyempre, given na ang galing nina Jerome at Jane. Kaya naman, palakpak ang isinukli ng mga nanood sa mga gumanap at nagdirehe ng Finding You dahil sabi nga, refreshing ang istorya.
Matatawa, maiiyak, at tiyak na makare-relate ang sinumang manonood ng pelikulang ito dahil sa kakaibang twist na mapapaisip ang manonood.
Samantala, all out ang support ng mga magulang ni Jerome sa premiere night. Kasama ng ama ni Jerome na si Jessie Delgado, ang kanyang ina at mga kapatid. Naroon din ang kani-kanilang mga kaibigan tulad nina RK Bagatsing, Fifth Solomon, Jomari Angeles, at Alora Sasam.
Dumating din sina Elmo Magalona, Donny Pangilinan, Heaven Peralejo, Albie Casino, Kokoy de Santos, VJ Mendoza at ang iba pang cast ng Finding You na sina Jon Lucas, Alliyah of Tawag ng Tanghalan, Claire Ruiz, Kate Alejandrino, at Paeng Sudayan.

SHOWBIZ KONEK
ni Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top