Monday , September 16 2019
Breaking News
You are here: Home / News / Comelec nagbabala sa mga nanalong kandidato: Walang SOCE, ‘di makauupo sa puwesto
Comelec nagbabala sa mga nanalong kandidato: Walang SOCE, ‘di makauupo sa puwesto

Comelec nagbabala sa mga nanalong kandidato: Walang SOCE, ‘di makauupo sa puwesto

BINALAAN ng Commis­sion on Elections (Comelec) ang mga nag­sipanalong kandidato sa katatapos na midterm elections nitong 13 Mayo na hindi sila makauiupo sa puwesto kapag hindi sila nakapagsumite ng kanilang statement of contributions and expen­ditures (SOCE) bago o sa 13 Hunyo.

Sa opisyal na paha­yag, ipinaliwanag ni Comelec education and information director James Jimenez na: “sa ilalim ng batas, kinakai­langan magsumite ang lahat ng mga kandidato at partidong politikal ng kanilang SOCE sa loob ng 30 araw matapos ang halalan.”

Gayonman, sa pag­kon­sidera na ang huling araw ng paghahain ng SOCE ay sa 12 Hunyo na isang holiday dahil Araw ng Kalayaan, idinagdag ni Jimenez na maaari pa rin isumite ng mga kandidato ang kanilang SOCE sa susunod na araw, 13 Hunyo.

Batay sa probisyon ng Omnibus Election Code, walang sinumang nahalal sa alinmang posisyon sa pamahalaan ang maaa­ring makapasok sa kan­yang tungkulin kung hindi nakapaghain ng kanyang SOCE na nararapat isu­mite sa Comelec sa loob ng 30 araw simula nang araw ng halalan.

Sakop din nito ang mga kandidatong hindi nanalo o nakakuha ng posisyon sa pamaha­laan.

Ang sinumang mabi­gong isumite ang kanilang SOCE ay mahaharap sa kasong administratibo.

“The submission of the SOCE by mail, courier or any other messenger services will not be accepted, while failure to file the SOCE will result in adminis­trative sanction against the candidates and poli­tical parties,” pagdidiin ni Jimenez.

(TRACY CABRERA)

About Tracy Cabrera

Leave a Reply

Your email address will not be published. Required fields are marked *

*

Scroll To Top